@ အဆင်မပြေမှုများ

ဘလော့နဲ့ ဝေးကွာနေရတာ ကြာပြီ ။ ဒီမှာတော့ ဘလော့လောကထဲ ပြန်ဝင်နိုင်ပြီလို့ ထင်ပြီး ပြန်လာပြီတွေ ဘာတွေ ရေးပြီးကာမှ အင်တာနက် ကော်နက်ရှင်  မရဘူးတဲ့ ။ စိုင်းထီးဆိုင် သီချင်းလိုပါပဲ ။ ဘာမှ မတတ်နိုင်ဘူး ...စွန့်လွှတ်လိုက်ရပြီ...လက်လျော့လိုက်ရပြီ...အရှုံးပေးလိုက်ရပြီ... ပေါ့။ ဘလော့ကာ ညီအစ်ကိုမောင်နှမ အားလုံးကို ခင်တဲ့စိတ်တွေကို မျိုချပြီး ဘလော့လောကကို ဖတ်ရုံလောက်တောင် မသွားနိုင်တော့ဘူး ဖြစ်နေတယ် ။ ဘယ်နေ့ကျမှ အင်တာနက် ကော်နက်ရှင် ကောင်းတဲ့ နေရာကို ရောက်မယ် မပြောတတ်တော့ဘူး ။ ကံမကုန်တဲ့ တစ်နေ့ ပြန်ဆုံခွင့်ရမယ် ဆိုရင်တော့ ပူးတစ်ကောင်ဆိုတာ online ပေါ်မှာ ရှိနေဦးမှာပါ ။ သူငယ်ချင်းတွေကိုလည်း လိုက်နှုတ်ဆက် ၊ ကော်မန့်တွေ ပေးနေဦးမှာပါ ။
(ကျွန်တော် offline ရောက်နေစဉ်အတွင်း ဘလော့ကို လာရောက်လည်ပတ်ကြသော သူငယ်ချင်း ဘလော့ကာအပေါင်းကို ကျေးဇူးတင်လျက်)

[+/-] ဆက်ဖတ်မယ်...

[+/-] ပြန်ခေါက်မယ်...

@ ပြန်ရောက်ပြီဗျ

အားလုံး အားလုံး အားလုံးပဲ မင်္ဂလာပါ....

[+/-] ဆက်ဖတ်မယ်...

[+/-] ပြန်ခေါက်မယ်...

နှုတ်ဆက်ခြင်း

ကျွန်တော် ပူးတစ်ကောင် ဘလော့လောကမှ ခေတ္တ အနားယူမည် ဖြစ်ကြောင်း
ဘလော့ကို ကျွန်တော်ချစ်တဲ့ အတွက် အဆင်ပြေတဲ့ တစ်နေ့ ပြန်လာမှာပါ။
လာရောက်လည်ပတ်ကြတဲ့ သူငယ်ချင်း ညီအစ်ကို မောင်နှမ များကို နှုတ်ဆက်ပါတယ်။
အားလုံးပဲ see you ပါခင်ဗျာ

[+/-] ဆက်ဖတ်မယ်...

[+/-] ပြန်ခေါက်မယ်...

@ ပြတင်းပေါက်

ဘ၀ဟူသည်

ကျွန်ုပ်တို့ စီမံဖန်တီးသည့်အတိုင်းဖြစ်ရ၏။

ယခင်ကလည်း ဤသို့ ၊ နောင်လည်း ဤသို့ နှယ်ပင်။

[ဘွားဘွား မိုးဇက်]

တစ်ခါက ဆေးရုံကြီး တစ်ရုံရှိလူနာခန်းကျဉ်းလေး တစ်ခုထဲမှာ လူနှစ်ယောက်ရှိကြသည်။ နှစ်ယောက်လုံးပင် ရောဂါသည်းသော လူနာများဖြစ်သည်။ အခန်းလေးက ကျဉ်းပြီး အပြင်လောကကိုကြည့်စရာ ပြတင်းပေါက် တစ် ခုသာ ပါသည်။

လူနာနှစ်ယောက်အနက်တစ်ယောက်က နေ့ လယ်ပိုင်းတွင် သူ့ အဆုတ်ထဲက အရည်တွေ ပိုက်နှင့်စုပ်ထုတ်ရ တာကိုအကြောင်းပြု၍ တစ်နာရီခန့်  ထိုင်ခွင့်ရသည်။ သူ့ ခုတင်က ပြတင်းပေါက် အနီးမှာ ရှိနေသည်။ တဖက် ခုတင်ရှိ လူနာကတော့ တစ်ချိန်လုံးပက်လက်လှန်ကာ စန့် စန့် ကြီး လှဲနေရသည်။

နေ့ လည်ခင်းတိုင်း ပြတင်းပေါက် အနီးရှိလူနာက ခုတင်မှာ ခေါင်းအုံးတွေဘာတွေ ဆင့်ကာ ကျောမှီ၍ ထိုင်ခွင့်ရသည့် အချိန် အပြင်ဘက်ဆီ၌သူလှမ်းမြင်ရသည့်အရာတွေကို အနီးရှိလူအား ပြောပြလေ့ရှိသည်။ ပြတင်းပေါက်ကလှမ်းကြည့်လျှင် အပြင်မှာ ပန်းခြံကြီးတစ်ခု မြင်ရသည်ဟုဆိုသည်။အဲသည်အထဲမှာ ရေကန် ကြီးတစ်ကန်ရှိသည်။ ရေကန်မှာ ဘဲတွေ ၊ ငန်းတွေ ရေကူးနေသည်။ကလေးများက သူတို့ ကို ပေါင်မုန့် တွေ ပစ်ကျွေးကြသည် ။ ကလေးအချို့ ကလှေကလေးတွေ မျှောနေသည်။ ချစ်သူစုံတွဲတွေ သစ်ပင်ကြီးများ အောက် လက်ချင်းတွဲပြီး လမ်းလျှောက်နေကြသည်။ ပန်းတွေက ဝေေ၀ဆာဆာ ပွင့်နေသည်။ မြက်ခင်းစိမ်း စိမ်းက အပြန့် ကျယ်လှသည်။ အဲသည်မှာ ဘောလုံးပျော့(ဆော့ဖ်ဘော) ကစားနေကြသူတွေလည်း မြင်ရ သည်။ ဟိုးအဝေးဆီ၌မူ သစ်ပင်တွေ ထိပ်ဖျားမှ ထိုးထွက်နေသည့် တိုက်တာအိမ်ယာများ။ ထို့ နောက်၌ ပြာ လဲ့သော မိုးကောင်းကင်။

ပက်လက်လှန်နေသောသူသည် တစ်ဖက်လူ ခရေစေ့တွင်းကျ ပြောပြသမျှကို နားစွင့်ကာ ကိုယ်တိုင်ကြည့်ရ သလောက် အရသာတွေ့ လျက်ရှိသည်။ ကလေးတစ်ယောက် ရေထဲလိမ့်ကျတော့မလို ဖြစ်သွားတာ ၊ နွေရာ သီ ၀တ်စုံသစ်တွေနှင့် မိန်းကလေးတွေ အရမ်းလှပနေကြတာ စသဖြင့် အပြင်လောကမှာ ဖြစ်ပျက်နေပုံ အလုံးစုံကို သူ့ အာရုံထဲ အသေးစိတ်မြင်ခွင့် ရနေသည်။

သည်လိုနေရင်း သာယာသော နေ့ လည်ခင်း တစ်ခုမှာ သူ့ ခေါင်းထဲ အတွေးတစ်ခု ၀င်လာသည်။ တစ်ဖက်လူ ကတော့ ပြတင်းပေါက်နားမှာနေပြီး အပြင်လောက ရှုခင်းအစုံကို စိတ်တိုင်းကျ ကြည့်ခွင့်ရနေသည်။ မိမိကို တော့ ဘာကြောင့်အဲသည်နား ထားမပေးသလဲ ဟူသော အတွေးဖြစ်သည်။

သည်လို သေးသေးသိမ်သိမ် တွေးမိခြင်းအတွက်လည်း သူရှက်တော့ ရှက်မိသည်။ သို့ သော် သည်အတွေးကို ဖျောက်နေသည့်ကြားကပင် နေရာချင်းလဲချင်စိတ်က ပြင်းပြသထက် ပြင်းပြလာသည်။ ဘယ်နည်းနဲ့ ဖြစ်ဖြစ် လဲရမှ ဖြစ်မယ်ဆိုတာမျိုးအထိ သူတွေးမိလာသည်။

တစ်ညမှာတော့ သူမျက်နှာကြက်ကို ငေးကြည့်နေစဉ် တစ်ဖက်လူ ရုတ်တရက်နိုးလာကာ ချောင်းဆိုးသည်။ ချောင်းဆိုးရင်း သီးလာသည်။ သူနာပြုဆရာမကို အရေးပေါ်ခေါ်သည့် အချက်ပေးခလုတ်ကို နှိပ်ရန် လက်က စမ်းတ၀ါးဝါး လိုက်ရှာသည်။

သို့ သော်သူမလှုပ်ရှား။ တစ်ဖက်လူ အသက်ရှုသံ ရပ်သွားသည်အထိ ငြိမ်၍ပင် စောင့်ကြည့်နေသည်။ နောက်နေ့ မနက်မှာ သူနာပြုဆရာမက တစ်ဖက်လူသေဆုံးနေကြောင်း တွေ့ ရှိကာ အလောင်းကိုတိတ်ဆိတ် စွာပင်သယ်ယူသွားသည်။

ဣနြေ္ဒမပျက်လောက်ဘူး ဟုထင်ရသော အချိန်လောက်တွင် သူ့ အား ပြတင်းပေါက်အနီးရှိ ခုတင်သို့ ပြောင်းပေးနိုင်မလား မေးသည်။ သို့ နှင့်ပြောင်းပေးကြသည်။ သက်သောင့်သက်သာ အရှိဆုံးဖြစ်အောင် နေရာချပေးသည်။ သပ်သပ်ရပ်ရပ် ပြင်ဆင်ထားသို ပေးသည်။

သူနာပြုတွေ ထွက်သွားသည်နှင့် တပြိုင်နက် တံတောင်တစ်ဖက်ပေါ်တွင် အားပြုကာ သူကြိုးစား၍ထသည်။ နာကျင်မှု ဝေဒနာကို သူကျိတ်မှိတ်ခံကာ သူ့ ကိုယ်သူ ခဲယဉ်းပင်ပန်းစွာ ထူမပြီး ပြတင်းပေါက်မှ အပြင်သို့ လှမ်းကြည့်သည်။

အပြင်၌ သူမြင်လိုက်ရသည်က " နံရံတံတိုင်း တစ်ခု " ။

[အမည်မသိ စာရေးသူ၏ The Window]

[+/-] ဆက်ဖတ်မယ်...

[+/-] ပြန်ခေါက်မယ်...

@ မြို့ နှစ် မြို့ 

တစ်နေ့ တွင် ကျွန်ုပ် Blogger ပူးတစ်ကောင် မြို့ ထဲသွားချိန်၌ အလွန် အင်မတန်မှ ကောင်းမွန်လှသောအရာ ၃ ခုကို တွေ့ ရှိလေသည် ။ ထိုအရာကို ကျွန်ုပ်စွဲလန်းခဲ့သည်မှာ ကြာပြီ။ ကျွန်ုပ်၏ အတွေးအခေါ် တစ်စိတ်တစ်ပိုင်းကို တိုးတက်စေခဲ့သည်မှာလည်း မှန်၏ ။ ထိုအရာအား ကျွန်ုပ်၏ ရင်းနှီးလှစွာသော Blogger ရောင်းရင်းအပေါင်းကို ဝေမျှလိုစိတ် ဖြစ်လာရကား ၀ယ်ရန်ဆုံးဖြတ်လိုက်၏ ။ သို့ သော် အကျွန်ုပ်ကို အခက်အခဲ တွေ့ စေသည်မှာ ကျွန်ုပ်၌ လုံလောက်သော ပိုက်ဆံ မပါလာခြင်းပင်တကား။ အသို့ နှင့် ကျွပ်န်ုပ်သည် ၃ ခုအနက် ၁ ခုကိုသာ ၀ယ်ယူလာခဲ့ရာ ထိုအရာကား အခြားမဟုတ် အင်မတန်မှ နံမည်ကြီးလှသော စာရေးဆရာကြီး ဦးဖေမြင့်၏ "နှလုံးသား အာဟာရ" စာအုပ်ပင် ဖြစ်ချေတော့ တမုံ့ ။ယနေ့ မှစ၍ ကျွန်ုပ်နှင့်အတူ နှလုံးသားအာဟာ ရများကို မှီဝဲရန် ကျွန်ုပ်မှ ရင်းနှင်းပျူငှာစွာ ဖိတ်ခေါ်အပ်ပါတယ် ခင်ဗျား...............

@ မြို့ နှစ် မြို့ 

မြို့ ကြီးတစ်မြို့ ၏ အ၀င်ဝနား ခရီးသွားတစ်ယောက် ဆိုက်ရောက်လာသည် ။ မြို့ ထဲမ၀င်မီ လမ်းဘေးမှာ ထိုင်နေသည့် မိန်းမတစ်ယောက်ကို သူမေးသည်။
"ဒီမြို့ ကသူတွေ ဘယ်လိုစိတ်သဘောထား ရှိကြသလဲဗျ"
အမျိုးသမီးက ပြန်မေးသည်။ "ရှင်ထွက်လာခဲ့တဲ့ မြို့ ကလူတွေကော ဘယ်လိုသဘောမျိုး ရှိကြသလဲ"
"ဆိုးပါ့ဗျာ၊ အင်မတန် ယုတ်မာကောက်ကျစ်တဲ့ လူတွေ၊ လုံးဝ ယုံကြည်လို့ မရတဲ့ လူတွေ၊ ကောင်းကွက်ဆိုလို့  တစ်စက်ကလေးမှ မရှိတဲ့သူတွေ" သူကမဲ့မဲ့ရွဲ့ ရွဲ့  ပြန်ဖြေသည်။
"အင်း ၊ ဒီမြို့ ကလူတွေလဲ အဲဒီပုံစံအတိုင်းပဲ ရှင်တွေ့ ရဦးမှာပါ" အမျိုးသမီးက ဆိုလိုက်သည်။

များမကြာမီပင် နောက်ခရီးသည်တစ်ယောက် မြို့ နားရောက်လာပြန်ကာ အမျိုးသမီးအား မြို့ ထဲက လူတွေ အ ကြောင်း မေးပြန်သည်။ သည်အခါ အမျိုးသမီးကလည်း ပထမ ခရီးသည်တုန်းကအတိုင်း သူလာခဲ့သည့်မြို့ ကလူ တွေအကြောင်း ပြန်လှန်မေးခွန်းထုတ်ပြန်သည်။
"အင်မတန် စိတ်သဘော ကောင်းကြပါတယ်ဗျာ၊ ရိုးသားတယ် ၊ အလုပ်ကြိုးစားတယ် ၊ သူမတူအောင်လဲ ရက်ရော ကြပါတယ်၊ ကျွန်တော်အဲဒီက ထွက်လာရတာ စိတ်မကောင်းဘူး" လှိုက်လှဲသော လေသံဖြင့် ဆို လေသည်။
သည်အခါ ပညာရှိအမျိုးသမီး အဖြေပေးလိုက်သည်။
"ရှေ့ ကမြို့ ထဲမှာလဲ အဲဒီလို လူမျိုးတွေပဲ ရှင်ထပ်တွေ့ ရမှာပါ" ဟူ၍။

[the best of Bits and Pieces မှ A Tale of Two Cities]

[+/-] ဆက်ဖတ်မယ်...

[+/-] ပြန်ခေါက်မယ်...

@ ရီ(ရယ်) နည်းများ

နိုင်ငံ လူမျိုးပေါင်း အများကြီး ရှိကြပေမဲ့ လုံးဝမကွဲပြား မခြားနားပဲ တူတာ လေးတွေတော့ ရှိကြပါတယ် ။
အဲဒါကတော့ ရီခြင်း ၊ ငိုခြင်း တွေပေါ့ ။ အဲဒါပေမဲ့ အဲဒီ တူတဲ့ ရီခြင်း ၊ ငိုခြင်းတွေမှာတော့ မတူတဲ့ ဟန်တွေ ရှိနေကြ ပြန်ပါရော ။ သိသလောက်..... ရီခြင်းတွေကို ပြောရရင် ( ငိုတာတော့ပြောတော့ဘူး နော...)

ဟားဟားဟားဟား......(အားရပါးရ ရီခြင်း)
ဟီးဟီး ( ရှက်ကို့ ရှက်ကန်း ရီခြင်း )
ဟဲဟဲ ( မခန့်သလို ရီခြင်း )
ဟိုးဟိုးဟိုးဟိုး (နောက်ပြောင် ရီနည်း)
ဟင်းဟင်း ( ၀တ္ထုတွေထဲက ကောင်မလေးတွေ ရီခြင်း ) အပြင်မှာ အဲလိုရီတဲ့ ကောင်မလေး မတွေ့ ပေါင်
ဟတ်ဟတ် ( သူကတော့ အရမ်းခေတ်စားနေတဲ့ ဘလော့ရီနည်း )
ဟိ (ကောင်မလေးများ လျှပ်တပြက် ရီနည်း)
ဘူးထွားဟားဟား (အာတာလွတ်မြို့ စားကြီး ရီနည်း)
သွပ်သွပ်သွပ် ( သမိန်ပေါသွပ် ရီနည်း )
ခွိခွိ ( အစဉ်အရမ်းမိတဲ့ ရှင်ဂွမ်းဂွိ ရီနည်း )
ဟင်းဟင်းဟင်းဟင်း......(ကြာကူလီရီနည်း) ဒါက ကိုအောင်မျိုးဟန် ပြောတာ

ကဲ....ရီနည်းအသစ်လေးများ ရှိရင်လည်း ရီသွားကြပါအုံး... :) :D :p

[+/-] ဆက်ဖတ်မယ်...

[+/-] ပြန်ခေါက်မယ်...

@ ပြဿနာ

လက်ဖက်ရည်ဆိုင်မှာ စိတ်ပျက်လက်ပျက်ထိုင်နေတဲ့ သူငယ်ချင်းကို တွေ့ လိုက်တယ် ။ အမြဲတမ်း ပျော်ပျော်နေ တတ်တဲ့ ဒီကောင်ကြီးက ဘယ်နှယ့် ဒီလိုပုံဖြစ်နေရတာလဲ ။ သူထိုင်နေတဲ့ စားပွဲနားရောက်နေတာတောင် ကျွန် တော့်ကို မမြင်သေးဘူး ။ ဘာတွေများ အတွေးနယ်ချဲ့ နေပါလိမ့် ။ ဒါနဲ့  စားပွဲကို "ဘုန်း" ကနဲ ရိုက်ချလိုက်တယ် ။

"ဟေ့ကောင်ကြီး ... ဘယ်သူ့ ကိုမှ မနောက်ရလို့  လဒမှိုင် မှိုင်နေတာလားကွ...ဟေ"

"လခွီးတဲ့မှပဲ... လန့် လိုက်တာ ။ ဒီမှာ စိတ်ညစ်ရတဲ့ အထဲ"

"မင်းလိုကောင်မျိုးက စိတ်ညစ်တတ်သေးတယ်လား ။ ဆိုစမ်းပါအုံး။ ဘာဖြစ်လို့ လဲ"

"အေးကွာ...ငါ့ကောင်မလေးနဲ့  ငါ့နဲ့  အဆင်မပြေလို့ ကွာ။ တစ်ခါတစ်လေမှာ စေတနာက ဝေဒနာ ဖြစ်တတ်ပါ လားလို့ တောင် တွေးမိတယ် ။ မနေ့ က ငါဈေးဘက် သွားရင် ပန်းလေးတစ်ပွင့် တွေ့ တာနဲ့  သူ့ ကိုပေးချင်စိတ် ပေါ်မိတယ် ။ ငါသူ့ ကို တစ်ခါမှ ပန်းမပေးဖူးဘူးလေ ။ ပန်းပေးတယ် ဆိုတာ ချစ်သူတွေကြားက ချစ်စရာ အမူအကျင့်လေး တစ်ခုလို့ ငါထင်တယ်လေ"

"အေး...ဟုတ်ပါတယ်။ ပန်းပေးတာကို မကြိုက်တဲ့ ချစ်သူကောင်မလေးတော့ မရှိလောက်ဘူး ထင်ပါတယ်"

"အေးကွာ ... ငါလည်း အဲလိုမြင်တာနဲ့ ပဲ သူ့ ကို ပန်းပေးဖို့  ညနေချိန်းထားတဲ့ နေရာကို သွားတယ်။ သူက ရောက်နှင့်နေပြီ ။ ငါက ပန်းလေးကို နောက်ဖက်မှာ လက်ကိုဖွက်ပြီး ယူလာတာ ။ သူ က မေးတယ် ။ နောက်မှာ ဘာဖွက်လာတာလဲ တဲ့ ။ ငါက "ပန်း" သူ့ ကိုပေးဖို့  လို့ ပြောတော့ သူပျော်သွားပုံပဲ ။ ငါယူလာတဲ့ ပန်းလေးကို မြင် တော့ သူ အံ့ဩသွားတယ် ။ ငါက ပန်ပါလား လို့ ပြောရာကနေ ပြဿနာ စတက်တော့တာပဲ ။ မင်းစဉ်းစား ကြည့် ကွာ ။ ကိုယ်တယုတယ ယူလာတဲ့ ပန်း ၊ ချစ်သူကို ပန်စေချင်တာပေါ့ ။ သူက မပန်ဘူးတဲ့"

"အေး... ဟုတ်တာပေါ့ ။ ငါ နားလည်ပါတယ်။ ဆက်ပါအုံး"

"ငါသေသေချာချာ ပြောတာတောင် သူက မပန်ဘူး ဆိုတာချည့်ပဲ ။ ငါလည်း တင်းလာတာနဲ့  သူ့ ကိုပေးမဲ့ ပန်းနဲ့  သူ့ ကို ပေါက်လိုက်တာ ။ အဲမှာ တင် သူက "ရှင်နဲ့ ကျမ ပြတ်ပြီ" တဲ့ ။ အခုထိ ပြန်ချော့လို့ မရဘူး"

"ပန်းနဲ့ ပေါက်တာ လေးနဲ့ ပဲ သူက အဲလောက် စိတ်ဆိုးရရောလား ။ မမိုက်ပါဘူးကွာ ။ မိန်းမ တွေက တခါတလေ အဲလိုပဲကွ ။ ကျန်ဖန်စိတ်ဆိုးတတ် ကြတာ ။ ဒါနဲ့  မင်းက သူ့ ကို ဘာပန်း ပေးတာလဲ"

"ဂေါ်ဖီပန်း"

-------------------------------------။---------------------------------------------------

[+/-] ဆက်ဖတ်မယ်...

[+/-] ပြန်ခေါက်မယ်...

@ Employee & Boss

တစ်နေ့ မှာ အလုပ်သမားတစ်ယောက် က အောက်ပါစာတစ်စောင်ကို မန်နေဂျာထံ ပို့ လိုက်ပါတယ် ။

Dear Bo$$

In thi$ life, we all need $omething mo$t de$perately.I think you $hould be under$tanding the need$ of u$ , worker$ who have given $o much $upport including $weat and $ervice to your company.I am $ure you will gue$$ what I mean and re$pond $oon.

Your$ $incerely,
Marian $hih

နောက်တစ်ရက် အကြာမှာတော့ မန်နေဂျာထံက အောက်ပါ ပြန်စာကို လက်ခံ ရရှိပါတယ်။


Dear Marian

I kNOw you have been working very hard. NOwadays, NOthing much has changed. You must have NOticed that our company is NOt doing NOticeably well as yet.NOw the newspaper are saying the world's leading ecoNOmists are NOt sure if the United States may go into aNOther recession.After the NOvember presidential elections, things may turn bad.I have NOthing more to add NOw. You kNOw what I mean.

Yours truly,

Manager

[+/-] ဆက်ဖတ်မယ်...

[+/-] ပြန်ခေါက်မယ်...

@ လေးစား အားကျခြင်း

ကျွန်တော် blog လောကထဲကို ရောက်တာ ၂ လကျော်ခဲ့ ပြီပေါ့ ။ ကျွန်တော်လည်ခဲ့ ပတ်ခဲ့တဲ့ blog တွေ ၊ ကျွန်တော် လေ့လာဆည်းပူးခဲ့တဲ့ blog တွေ ၊ မျက်စိလည် လမ်းမှားပြီး ရောက်ခဲ့တဲ့ blog တွေ အများကြီးပေါ့ ။ အဲဒီ ထဲမှာ မှ ကျွန်တော် အလွန်နှစ်သက် မိတဲ့ blogger ၃ ယောက်ကို တွေ့ ရှိခဲ့ပါတယ် ။ ကျွန်တော်နဲ့  စိတ်ကူးတူလို့ ပါ။ ဒါပေမဲ့ ကျွန်တော်က ကျွန်တော့် စိတ်ကူးကို ပီပီပြင်ပြင် ပုံမဖော်နိုင်သေးပါဘူး ။ သူတို့  ၃ ယောက်ကတော့ အပီအပြင် ကိုပုံဖော်ပြီး ဖြစ်နေပါပြီ။

၁။ ကို Republic

သူ့ ရဲ့  အတွေးနဲ့ အရေး တွေက ဖတ်တိုင်းဖတ်တိုင်း မိုက်တယ်ကွာ ဆိုတဲ့စိတ်ကို ပေါ်ပေါက်စေပါတယ် ။ ပိုစ့်တိုင်းက အတွေးတွေ နဲ့ ပြည့်ဝ နေပါတယ်။ တစ်ခါတစ်လေ လိုက်လို့ တောင် မမှီပါဘူး ။ လတ်တလော ရေးသားထားတဲ့ ပိုစ့်တွေ ထဲမှာ တော့ "The Mirror" ၊ "Reflection" ၊ "Bonding" ဆိုတာလေးကို အရမ်းကို နှစ်သက်မိပါတယ် ။

၂။ ကို ပီကေ

"အမေ့ကိုယ်စား" ဆိုတဲ့ ပိုစ့်ကနေ စပြီး ကိုပီကေ ကို စသိခဲ့တယ် ။ အဲမှာကတည်းက အရေးအသားကို သဘောကျ မိခဲ့တယ် ။ heart ထိအောင် ရေးနိုင်စွမ်းတယ်လေ ။ "နောက်ငါးမိနစ်လောက်" ၊ "သစ်သားဇလုံလေး" စတဲ့ ပိုစ့်တွေကလည်း တကယ်ကို ရင်ထဲကို အသိတွေ ၊ သတိတွေ ပေးနိုင်စွမ်းတဲ့ ပိုစ့်ကောင်းတွေပါပဲ ။

၃။ မနိုင်းနိုင်းစနေ

တောင်ကြီးချယ်ရီမြေ မှာ မနိုင်းနိုင်းစနေ ကိုစသိပါတယ် ။ Blogger သက်တမ်းကတော့ နည်းတဲ့ သက်တမ်းမဟုတ်ဘူး ။ ပိုစ့်တိုင်းကို သဘောကျပါတယ် ။ ပထမဆုံး ဖတ်မိတာကတော့ "ကြည်နူးစရာ တောင်းပန်လွှာ" ။ တကယ်ကို ကြည်နူးစရာ ကောင်းပါတယ် ။ "ချယ်ရီသစ္စာ" ၊ "၉၁ မှတ်နဲ့  ၉ မှတ်" ၊ "မေမေတစ်ယောက်တည်းပဲ" အဲဒါလေးတွေကို ဖတ်ရတာ တကယ်ကိုဖတ်လို့  ကောင်းတယ် ။ ရသ အရမ်းမြောက်တဲ့ အရေးအသားတွေ ပါပဲ ။

-------------------------------------------------------------------------------------------------

ထုတ်ဝေသူ တစ်ယောက်လောက် အသိရှိရင် ကောင်းမှာလို့ တောင် တွေးမိတယ် ။ သူတို့  ၃ ယောက်ရဲ့  ပိုစ့်တွေကို ကြိုက်လို့ လေ ။ တကယ့်ကို လေးစားလောက်တဲ့ အရေးအသားတွေ မို့ ပါ ။ မရောက်ဖူးသေးရင် သွားပြီး ဖတ်ကြဖို့  ဒီနေရာလေးကနေ အသိပေးတိုက်တွန်းလိုက်ပါတယ် ကျွန်တော့်လို Blogger အသစ်တွေရေ ။ ကျွန်တော် ကြိုက်တဲ့ပိုစ့်လေးတွေကို စုစည်းတဲ့ အနေနဲ့  my favorite posts ဆိုတဲ့ နေရာ တစ်ခုကို google page မှာမွေးဖွားလိုက်ပါတယ် ။ စိတ်ဝင်စားတဲ့ သူများ သွားရောက်လည်ပတ် နိုင်ပါတယ် ။ အထက်ပါ Blogger တို့ ရဲ့ ပိုစ့်များထဲကမှ နှစ်သက်မိတာလေးတွေကို စုဆောင်းထားတာပါ။ blogspot ကို အပိတ်ခံထားရ တဲ့ သူတွေအတွက် တော့ အဆင်ပြေတဲ့ နေရာလေး တစ်ခု ဖြစ်မယ် ထင်ပါတယ် ။

ကျွန်တော်လဲ ကိုယ့်ကိုကိုယ် ၄ ယောက်မြောက် သဘောကျနိုင်အောင် ကြိုးစားလိုက်ပါဦးမယ်ဗျာ ။

[+/-] ဆက်ဖတ်မယ်...

[+/-] ပြန်ခေါက်မယ်...

@ ငယ်ကျွမ်းဆွေ

ငယ်စဉ်တောင်ကျေး
ချာတိတ်လေးမှ
ပျိုး၍စတင်
ခင်ခဲ့ပါ၏
တူသွားတူစား
တူကစား၍
ခင်မင်မေတ္တာ
ဖြူခဲ့ပါ၏
နေ့တွေလပြောင်း
ရက်တွေဟောင်း၍
ရင်ခုန်ဖော်ဖက်
စုံမက်ပါ၏
ငယ်ကမေတ္တာ
နှစ်တစ်ရာဟု
သူသူငါငါ
ဆိုသော်ငြားလည်း
မောင့်ရင်ဖြစ်ပွား
ချစ်စိတ်များမှ
နောင်နှစ်တစ်ထောင်
တည်စေမည်... မိ......

(ကိုရှင်ရဲထွဋ် က ကျွန်တော့် တို့ ချစ်သူ နှစ်ယောက်အတွက် ရေးစပ်ထားပေးတဲ့ ကဗျာလေးပါ) ။ ဒီကဗျာလေးကိုရေးစပ်ပေးတဲ့ ကိုရှင်ရဲထွဋ် လည်း ဘ၀မှာ အကောင်းဆုံး ချစ်သူ ၊ ဇနီးလေးကို ပိုင်ဆိုင် နိုင်ပါစေဗျာ ။

[+/-] ဆက်ဖတ်မယ်...

[+/-] ပြန်ခေါက်မယ်...

@ တောင်ကြီး သင်္ကြန် အမှတ်တရ ဓါတ်ပုံများ

တောင်ကြီး သင်္ကြန်တုန်းက ပုံလေးတွေပါ။ ဒါကတော့ ဘယ်မှာမှ မရှိသေးတာ သေချာပါတယ်။

ရတနာမိုင်

နန်းဆု

ရေဗက္ကာဝင်း

ကိုဇော်ပိုင် နဲ့ မမီမီ

ကိုဘိုဖြူ

နော့နော်

ဝိုင်းစု

L ဆိုင်းဇီ

[+/-] ဆက်ဖတ်မယ်...

[+/-] ပြန်ခေါက်မယ်...

@ မြန်မာ့အလှ လေးများ

သူတို့ တွေပေါ့ဗျာ ။တစ်ရက်နောက်ကျပြီးမှ ရောက်လာ တယ်။ကျွန်တော့်မှာလဲ ဖိတ်စာတွေက ဝေပြီးနေတာမို့ အရုပ်တွေနဲ့ အရင် ဧည့်ခံထားရတာ။ကဲ သူတို့ လေးတွေရဲ့ တစ်မျိုးစီလှနေတဲ့ မြန်မာ့ အလှလေးတွေကို ရှုစားဖို့ မျှဝေပေးပါတယ် ။တော်တော်များများက ရှိပြီးသား ဖြစ်ကြမှာပါ ။နှိုင်းယှဉ်ပြီး ကြည့်လို့ ရအောင် ဖော်ပြပေးခြင်းပါ။

[+/-] ဆက်ဖတ်မယ်...

[+/-] ပြန်ခေါက်မယ်...

@ မယ်ရွေ့းပွဲ

ကျွန်တော့်ရဲ့  Blog ကို အကြောင်းအမျိုးမျိုးဖြင့်ရောက်ရှိလာကြသော Blogger ညီအစ်ကို မောင်နှမ သူငယ်ချင်း ရောင်းရင်း များခင်ဗျာ။ အခု မယ်ရွေးပွဲ ကျင်းပနေပါတယ် ... ဒိုင်လူကြီး ၀င်လုပ်ပေးသွားပါဦး ။စုစုပေါင်း (၁၀)ယောက် ရှိပါတယ်။
၁ ။ ၂ ။ ၃ ။ ၄ ။ ၅။
၆ ။ ၇ ။ ၈ ။ ၉။ ၁၀။
အဲဒီလို သတ်မှတ်ထားပါတယ် ခင်ဗျာ ။
အလုပ်တွေနဲ့  မအားမလပ် စိတ်ဖိစီးမှုတွေ များလှတဲ့ blogger တွေအတွက် ဒီပွဲကို အကုန်အကျ အများကြီးခံပြီးလုပ်ထားပေးတာပါ ။တီးဝိုင်းအနေနဲ့ လည်း အဖြူရောင် သံစဉ်က ဖျော်ဖြေပေး ထားပါတယ် ။ အဲဒီ စေတနာ ကိုလေးစားသော အားဖြင့် ပါဝင် ဆင်နွဲပေးပါနော် ။(comment မှာရေးပေးစေလိုပါတယ်။)

[+/-] ဆက်ဖတ်မယ်...

[+/-] ပြန်ခေါက်မယ်...

@ မိန်းမအကြောင်း

ခေါင်းစဉ်ကြည့်ပြီး လန့် မသွားပါနဲ့ ။သိသလောက် နည်းနည်း ပြောပြမလို့ ပါ ။ စိတ်ဝင်စားတယ်ဟုတ် :)
ဒီလိုလေ ...မိန်းမ ဆိုတာက က အားနွဲ့ တယ်မဟုတ်လား ။ ဒီတော့ သူတို့ က အမှီအခို ရှာတယ်လေ ။ သူတို့ တွေရဲ့  အမှီအခိုကတော့ အနော်တို့  ယောက်ျားလေးတွေ ပေါ့ဗျာ( ကျား ဆိုမှ ကျား )။ သူတို့ တွေက တစ်ယောက်တည်း ရပ်တည်ဘို့  ခက်တယ်လေ ။မရဘူးတော့ မဟုတ်ပါဘူး ။အောက်က စာသားလေးတွေ ကိုကြည့်လိုက်ပါလား ။ သူတို့ တွေက အနော်တို့ ယောက်ျားတွေ နားကို လာကပ်နေကြတာ :z :z :z

woMAN ### feMALE ### mADAM ### sHE ### MRs

သူတို့ က ငယ်တုန်းတော့ မကပ်သေးဘူးဗျ ။ Girl လေ Boy နားမလာဘူး ။အဲဒီတချိန်တော့ သူတို့ အနားကို ကျွန်တော်တို့ က သွားရတယ် ။

[+/-] ဆက်ဖတ်မယ်...

[+/-] ပြန်ခေါက်မယ်...

@ group policy မှ drives: များကို ပိတ်ခြင်း၊ ဖျောက်ခြင်း

group policy ဟာ registry editor လိုပဲ function တွေအများကြီးပါ ပါတယ် ။ group policy ကနားလည် ရတာပိုလွယ်ပါတယ် ။group policy ကနေ Drives: တွေကို ၀င်လို့ မရအောင် ပိတ်ထားတာ ၊ ဖျောက်ချင်တဲ့ Drives: တွေကို ဖျောက်ထားတဲ့ အကြောင်းလေး ပြောပြပါမယ်။ပထမဦးဆုံး Run မှာ gpedit.msc လို့  ရိုက် ထည့်လိုက်ပါ။ဒါဆိုရင် Group Policy Dialog Box ကျလာပါလိမ့်မယ်။ဘယ်ဘက် Box ရဲ့  Local Computer Policy မှာ Computer Configuration နဲ့ User Configuration ဆိုပြီး နှစ်ခု ရှိပါတယ် ။User Configuration > Administrative Templates > Windows Components > Windows Explorer ကိုသွားပါ ။အောက်ပါပုံကို ကြည့်ပါ။


ပထမဆုံး Prevent access to drives from my Computer ကိုနှိပ်လိုက်ပါ။ Setting Tab မှာ Enable ပေးလိုက် ပါ ။Restrict all drives ကို Default ရွေးထားပါတယ် ။ အဲဒါကို ရွေးမယ်ဆိုရင် ကိုယ့်မှာ ရှိသမျှ Drives တွေအကုန်လုံးကို သုံးလို့ ရမှာ မဟုတ်တော့ပါဘူး ။ အဲဒီအပြင် C: ထဲမှာ Window OS ရှိတဲ့ အတွက် My Documents ၊ Shared Documents နဲ့  Desktop ပေါ်က folder တွေကိုလည်း ဖွင့်လို့ ရမှာ မဟုတ်တော့ပါ ဘူး။ My Network Places , Recycly Bin နဲ့  software တွေကိုတော့ သုံးလို့ ရပါတယ် ။ အဲဒါကြောင့် ကိုယ်အနေနဲ့  လိုအပ်မယ်ထင်တဲ့ Drives တစ်ခု ၊ နှစ်ခု ကိုပဲ ပိတ်ထားတာက ကောင်းပါတယ် ။ ကျွန်တော်က Drives D: ကိုပိတ်ထားလိုက်ပါမယ် ။ အောက်က ပုံကို ကြည့်ပါ ( Explain ဆိုတဲ့ Tab မှာလည်း အသေးစိတ် ရှင်းပြထားပါတယ် )။ OK ပေးလိုက်ပါပြီ ။ My Computer ထဲကို သွားပြီး Drives D: ကိုဖွင့်ကြည့်ပါ ။ ဖွင့်လို့ မရတော့ပါဘူး ။Address Bar ကနေဖွင့်ရင်လည်း မရပါဘူး ။

အဲဒီလိုပါပဲ ။ Hide these specified drives in My Computer ကို Setting Tab မှာ Eable ပေးလိုက်ပါ။ Restrict all drives ကို Default ရွေးထားပါတယ် ။ အဲဒါကို ရွေးမယ်ဆိုရင် ကိုယ့်မှာ ရှိသမျှ Drives တွေအကုန်လုံး မမြင်ရတော့ ပါဘူး ။ Hide လို့ ပြောတဲ့ အတွက် file တွေကို Hidden လုပ်ထားတာနဲ့  အလား သဏ္ဍန်တူပါတယ် ။ Address Bar ကနေ C: လို့ ရိုက်ထည့်ရင် Drives C: ထဲကိုရောက်သွားပါတယ် ။ D: လို့  ရိုက်ထည့်ရင်လည်း Drives D: ထဲကိုရောက်သွားပါတယ် ။ ကျန်တာတွေကိုလည်း လိုက်ကလိချင်တယ်ဆိုရင် ကလိကြည့်ပါ ။စိတ်ဝင်စားစရာ အများကြီးရှိပါတယ် ။ ကျွန်တော့်ရဲ့  ဒီပိုစ့်ကို စိတ်ဝင်စားလို့  လိုက်လုပ်ကြည့်သူ အပေါင်း အောင်မြင်ပါစေဗျာ ။

[+/-] ဆက်ဖတ်မယ်...

[+/-] ပြန်ခေါက်မယ်...

@ ဒီလိုပါလား

ကျွန်တော် ၁၀ တန်းဖြေပြီးတော့ English Speaking သင်တန်းတစ်ခု တက်ဖြစ်တယ် ။ အဲဒီမှာ English စာနဲ့ ပတ်သက်လို့  စကားလုံးလေးတစ်ခုကို မှတ်သားမိတယ် ။ ဆရာမ ကမေးတယ် ။ English စာမှာ တာအသွားဆုံး စကားတစ်လုံး ကို သိကြလားတဲ့ ။ သိရင်ပြောကြည့်ပါတဲ့ ။ တကယ်လဲ အဓိပ္ပါယ် ပြည့်ဝရမယ်တဲ့။ ဘယ်သူမှ မသိကြဘူး ။ ဟိုဟာလား ဒီဟာလားနဲ့  တစ်ယောက်တစ်ပေါက်လျှောက်ပြောကြတာပေါ့ ။ကဲ...စာဖတ်သူ အပေါင်းရော သိကြရဲ့ လား ? တကယ်တမ်းက ကျွန်တော်တို့ နဲ့  မစိမ်းပါဘူး ။ နေ့ တိုင်းပြုမူနေမိတဲ့ အရာလေး တစ်ခုပါ ။ဘေးကပုံလေးကိုကြည့်
ပြီး စဉ်းစားချင်ရင် စဉ်းစားကြည့်လိုက်ဦးနော် ။အဲဒါ ပို အရသာ ရှိတယ် ။ :)

The correct answer is "SMILES"
because there is a MILE between two S .
နောက်ဆုံးဆရာမက အဲလိုလေး ချရေးပြလိုက်တယ် ။ ကျွန်တော် တော်တော်လေး သဘောကျသွားတယ်ဗျ ။ တကယ်တန်းလဲ အပြုံးလေးတွေက တာသွားပါတယ်။ ပြုံးပြတယ် ဆိုတာ ကျွန်တော်တို့ မြန်မာလူမျိုးတွေရဲ့  ချစ်ဖို့ 
ကောင်းတဲ့ အလေ့အထလေး မဟုတ်လားဗျာ ။လက်ဆွဲ ပြီး ၊ ပုခုံးဖက် ပြီး နှုတ်မဆက်ကြဘူးလေ ။ ပြုံးပြနှုတ် ဆက်ကြတယ် ။ ခင်ဗျားတောင် အခုပြုံးနေတယ် မလား ။ :) :p :k :O :s :d :$ :z

[+/-] ဆက်ဖတ်မယ်...

[+/-] ပြန်ခေါက်မယ်...

@ ၁ ကနေ ၁၀

အချစ်ကို ခံစားဖူးသူတိုင်း ကဗျာဆရာ ဖြစ်ခဲ့ဖူးကြတယ်တဲ့....
တစ်နေ့ တော့ အိပ်မက်အလွန် ကိုသွားရင်း ၁ ကနေ ၁၀ ကိုတွေ့ ပါရောလား ။
မြင်မြင်ချင်း သဘောကျတယ် ဆိုတာ ဒါပေ့ါ ။ဒါနဲ့  comment ရေးဖို့ စိတ်ကူးလိုက်တယ်။
အဲမှာ နောက်ထပ် ၁ ကနေ ၁၀ ကိုထပ်တွေ့ ပါရော။
အသစ်မြင်တော့ အဟောင်းမေ့တယ်ဆိုတာ ဒါပါလား။
ဘယ်ရမလဲ ကိုပူးတို့ ကဗျာစွမ်းကို ထုတ်ပြရတော့တာပေါ့ ။
ဒီလိုလေး :)

၁ သက်လုံး
၂ သက်နေမိသော
၃ စားမရတဲ့ မာနတွေ
၎ လံစွာ သယ်ယူရင်း
၅ စိတ်တွေ
၆ ခြားစပြုလာတယ်
၇ အားပြင်း အချစ်စိတ်တွေကြား
၈ တယ်ဆိုတဲ့ မပီကလာ စကား
၉ ကြားမိချိန်
၁၀ စက္ကန့် လောက် အသက်ရှု ရပ်သွားတယ် ။

[+/-] ဆက်ဖတ်မယ်...

[+/-] ပြန်ခေါက်မယ်...

@ folder လေးတွေကို အလှဆင်ချင်ရင်

Blogger ကိုဇောင်း ရဲ့ folder လေးတွေကို အလှဆင်ချင်ရင် post ကို ဖြည့်စွက်ဖော်ပြပေးတာပါ ။
software မလိုပဲ ဒီ ( Desktop.ini ) ဆိုတဲ့ ဖိုင်လေးတစ်ဖိုင်ကို သက်ဆိုင်ရာ( photo )နဲ့ ထည့်ပေးရုံပါပဲ။အဲဒီ file နှစ် ခုကိုအရင်ဆုံး download ချလိုက်နော် ။ဒီမှာ ယူ ( Desktop.ini ) ( photo ) ။


desktop.ini ထဲက code လေးတွေကို ရှင်းပြပါမယ် ။

[{BE098140-A513-11D0-A3A4-00C04FD706EC}] >>>registry code ဖြစ်ပါတယ်။

IconArea_Image=windowvista.jpg>>>windowvista.jpg နေရာမှာ မိမိနှစ်သက်ရာ ပုံကိုထည့်နိုင်ပါတယ် ။အဲဒီပုံကိုပါ desktop.ini နဲ့အတူ folder ထဲကို copy ကူးယူဖို့ လိုပါတယ် ။ဒါမှ မဟုတ်ရင်လည်း အဲဒီပုံ ရှိတဲ့ directory ကိုညွှန်းပါ ။
(ဥပမာ - IconArea_Image=D:\photo\windowvista.jpg )

IconArea_text=0x0000ff >>> text အရောင်ပါ (0000ff=အနီ) ။
[.ShellClassInfo]
IconFile=%SystemRoot%\system32\SHELL32.dll >>> window xp ရဲ့  icon များတည်ရှိရာ နေရာပါ။
IconIndex=195 >>> index နံပါတ်ပေါ်မူတည်ပြီး icon ပုံလေးတွေ လိုက်ပြောင်းပါတယ် ။ 195 က camera ပုံလေးပါ ။
( My Pictures ၊ My Videos ၊ My Music တွေမှာပဲ icon လိုက်ပြောင်းပါတယ် )။

ဒါပေမဲ့ သူ့ မှာ အားနည်းချက် ရှိပါတယ် ။ ဘာလဲ ဆိုတော့ folder တိုင်းအတွက် မရတာပါပဲ ။ C: ၊ D: စတဲ့  drives တွေရယ် ၊ My Pictures ၊ My Videos ၊ My Music ၊ My Documents ၊ Share documents လိုနေရာတွေမှာ ပဲ ရနေခြင်းပါ ။ ပြီးတော့ refresh လုပ်ပေးဖို့  လိုအပ်ပါတယ် ။
(နောက်ဆုံးမရတဲ့ အဆုံး အဲဒီ download ချထားတဲ့ file နှစ်ခုကို C: ထဲမှာ ထည့်ကြည့်လိုက်နော် )။

[+/-] ဆက်ဖတ်မယ်...

[+/-] ပြန်ခေါက်မယ်...

@ icon လေးတွေ ချိန်းကြစို့ လား

သိပြီးသားသူတွေ အများကြီးရှိချင် ရှိနေပါလိမ့်မယ် ။ ကလေးကလား ဆန်နေမလား လို့ လဲ စိုးရိမ်မိပါတယ်။
ဒါပေမဲ့ မသိသေးသူတွေ အတွက်ဆိုတဲ့ စိတ်ကလေးနဲ့  အခု post လေးကိုရေးသားလိုက်ရပါတယ်။
My Computer အတွင်းက Hard Disk Drives လေးတွေကို အခုလို icon လေးတွေပြောင်းလဲဖို့ ပါ။


လွယ်လွယ်လေးပါ။အထက်ဖော်ပြပါ ပုံက Drives D: လုပ်ထားပုံလေးကို ဥပမာအနေနဲ့ ပြောပြပါမယ်။
New Text Document တစ်ခုကို ယူပြီး အခုလိုလေး ရေးလိုက်ယုံပါပဲ ။ save လုပ်တဲ့ အခါမှာတော့ autorun.inf ဆိုပြီး save လုပ်ရပါမယ်။ ( autorun.txt ) ဖြစ်နေရင်မရပါဘူး ။

အထက်ဖော်ပြပါ ပုံက Generals.ico နေရာမှာ မိမိနှစ်သက်ရာ icon ပုံလေးများကို ထည့်နိုင်ပါတယ် ။ အဲဒီလို autorun.inf နဲ့  သက်ဆိုင်ရာ icon လေးကို မိမိ ထည့်လိုတဲ့  Drives (D:)အတွင်းထည့်ပြီးသွားပြီဆိုရင် Drives ကို rename ပေးဖို့ လိုပါတယ် ။ ဒါမှသာ ကိုယ်လိုချင်တဲ့ icon ပုံလေးဟာ Drives မှာပေါ်နေမှာ ဖြစ်ပါတယ် ။ အဲဒီ icon လေးတွေဟာ မိမိ ကွန်ပျူတာကို ပိုမို လှပစေယုံသာမက virus alarm တစ်ခုအနေနဲ့ပါ အသုံးဝင်ပါတယ် ။ဘာဖြစ်လို့ လဲ ဆိုတော့ virus အများစုဟာ autorun.inf ကိုအသုံးပြုလို့ ပဲ ဖြစ်ပါတယ် ။ ဥပမာ ကျွန်တော် ဖော်ပြဖူးတဲ့  Flashy virus ၀င်သွားပြီ ဆိုရင် ကိုယ်လုပ်ထားတဲ့ icon ပုံလေးတွေဟာ ပျောက်သွားပြီး မူလ window က Drives ပုံအတိုင်းပဲ ပြန်ဖြစ်သွားပါတယ် ။ (အဲဒီလို ဖြစ်သွားတိုင်း virus ကြောင့်လို့ ဆိုလိုတာ မဟုတ်ဘူးနော်)။icon ပုံလေးတွေကိုတော့ search engine တွေကနေတဆင့် ရှာဖွေနိုင်ပါတယ် ။ကျွန်တော်မှာ ရှိတာလေး တစ်ချို့ ကိုလည်း share ပေးလိုက်ပါတယ် ။ *ဒါလေး* ကို နှိပ်ပြီး ယူပါခင်ဗျား ။

[+/-] ဆက်ဖတ်မယ်...

[+/-] ပြန်ခေါက်မယ်...

@ what is 1437 ?

ဒီနေ့ ပေါ့ဗျာ......... တကယ်တမ်းက အလုပ်နည်းနည်း ရှုပ်နေတာ ။ ကွန်ပျူတာ မကိုင်တော့ဘူးလားလို့  စိတ်ကူးနေတာ ။
အဲမှာတင် ချစ်သူဆီက ဖုန်းလာတယ် ။ ကို့ ကို မေးစရာ ရှိလို့ တဲ့ ... အင်း ဘာလဲပေါ့ ။ အဲဒီမှာတင် ဇါတ်လမ်းက စတယ်။

၁၄၃၇ ဆိုတာဘာလဲတဲ့ ။ တစ်ခါမှ မကြားဖူးဘူးလေ ။ ကိုယ်သိတဲ့နံပါတ်တွေ ဆိုလို့  ၁၅၀၀ ၊ ၅၂၈ လောက်ရှိတာ ။အဲသူတို့  နှစ်ခု ကွာခြားချက်က ၉၇၂ ။ ပြီးတော့ ငယ်ငယ်က နံပါတ်တွေ ခေါင်းထဲရောက်လာတယ် ။ ၉၆၉၃ တို့  ၊ ၉၄၉၃ တို့  ။ အဲဒီ ၁၄၃၇ ဆိုတာတော့ တစ်ခါမှ မကြားဖူးဘူးလေ ။ဒါနဲ့ အားကိုးတစ်ကြီးမေးလာတဲ့ ချစ်သူကို ပြတ်ပြတ်ပဲ ပြောလိုက်တယ် ။ မသိဘူးလို့ ။ ဒီလောက်နဲ့ တော့ ချစ်သူ ကဘယ်လက်လျော့လိမ့်မလဲ ။ အဲဒါလေး သိချင်လို့ ပါ ကိုရယ်တဲ့ ။ သူငယ်ချင်းတစ်ယောက် ကတော်တော်လေး ကိုသိချင်နေတာ တဲ့ ။ အဲဒါ သိအောင်လုပ်ပေးတဲ့ ။ နူးညံ့တဲ့  အမိန့် တော် လေးနဲ့ ပေါ့ ။ ဘယ်နဲ့ ပတ်သက်တာလဲ ၊ ဘာကိုအခြေခံ ပြီးပြောတာလဲ လို့ မေးတော့ တိတိကျကျပြောပြရှာတယ် ။ မသိဘူးတဲ့ ။ သူ့ သူငယ်ချင်းကောင်မလေးကို သူတို့ ထဲက ကောင်လေးသူငယ်ချင်းကပဲ ပြောတာတဲ့ ။ ၁၄၃၇ ဒါပဲတဲ့ ။ အဲမှာတင် ကျွန်တော်ပူးတစ်ကောင် ဘလော့ရပ်ဝန်းက သူငယ်ချင်းတွေများ သိလေမလား ဆိုပြီး တွေ့ သမျှ cbox ထဲ အကူအညီ လိုက်တောင်းရတော့တာပဲ ။တော်တော် မျက်စိနောက်သွားကြမှာပဲနော် ။ တပြိုင်ထဲပဲ ကိုယ်သိတဲ့ ၁၅၀၀ နဲ့ အဲဒီ ၁၄၃၇ ကို + လိုက် - လိုက် × လိုက် နဲ့ နံပါတ်တွေ အများကြီးနဲ့ သင်္ချာပြန်တွက် နေရတော့တယ်။(ချစ်သူ အတွက်ပေါ့) ။ နောက်ဆုံးတော့ အဖြေမှန်ကို search engine အစွမ်းနဲ့ အောင်မြင်စွာ သိရှိလိုက်ရပါတော့တယ် ။

အဖြေမှန်က ဒီလိုလေးကိုးဗျ......
၁၄၃၇ = I love you forever တဲ့
I မှာစာလုံးအရေအတွက်= ၁
love မှာစာလုံးအရေအတွက်= ၄
you မှာစာလုံးအရေအတွက်= ၃
forever မှာစာလုံးအရေအတွက်= ၇
(http://answers.yahoo.com/question/index?qid=20071006002843AAMEA5G ) မှဖော်ပြပါသည် ။
အဖြေသိပြီး မကြာခင်မှာပဲ ကိုမိုးပြေး ကလဲ အဖြေကိုလာပြောပြပေးသွားလို့  ပိုတိကျတဲ့ အဖြေတစ်ခုဖြစ်သွားပါတယ်။
ကျေးဇူးပဲနော် ကိုမိုးပြေး ။ ကျွန်တော်လဲ အောင်နိုင်သူ တစ်ဦးအနေနဲ့ ချစ်သူ ဆီကို ဖုန်းခေါ်ပြီး အဖြေက ဒါကွ ဆိုပြီး အောင်ပွဲ ခံလိုက်ပါတယ် ။
၁၄၃၇ အဖြေကို ဘလော့ သူငယ်ချင်းအပေါင်းကို မျှဝေဖော်ပြပေးလိုက်ပါတယ်။

[+/-] ဆက်ဖတ်မယ်...

[+/-] ပြန်ခေါက်မယ်...

@ ရစ်နှောင်ခြင်း

ဒီပိုစ့်လေးဟာ ကို Republic ရဲ့  BONDING (ရစ်နှောင်ခြင်း) ကို
ကျွန်တော် နားလည်သလို ဘာသာပြန်ထားတာ ဖြစ်ပါတယ် ။

အဖေနဲ့  သမီးလေး တို့ ဟာ တံတားတစ်စင်းကို ဖြတ်လာကြတယ်။ သမီးလေးကြောက်နေမှာစိုးလို့ အဖေကပြောတယ်-

"မီးလေး ...ဖေကြီးလက်ကို ကိုင်ထားနော်...ဒါမှ မီးလေး ရေထဲကို ပြုတ်မကျမှာ "

"ဖေကြီးက ကိုင်ရမှာလေ.." လို့သမီးလေးကပြန်ပြောတယ်-

"ဘာကွာလို့ လဲ မီးလေးရဲ့  " အဖေက အံ့ သြ ပြီးမေးတယ် ။

"အများကြီး ကွာတာပေါ့ ဖေကြီးရဲ့  " လို့ ဖြေရင်း သမီးလေးက ဆက် ပြောတယ် -
"သမီးကဖေကြီးလက်ကို ကိုင်ထားပေမဲ့ တစ်ခုခုဖြစ်ခဲ့ရင် သမီးက ကြောက်ပြီးဖေကြီးလက်ကို လွှတ်မိသွားလိမ့်မယ် ။ ဖေကြီးက ကိုင်ထားရင်တော့ ဘာပဲဖြစ်ဖြစ် ဖေကြီးက သမီး လက်ကို ဘယ်တော့မှ လွှတ်မှာ မဟုတ်ဘူးလေ "
---------------------------------------------------***----------------------------------------------------------
ဘယ်လိုရင်းနှီးပတ်သက်မှုမျိုးမှာမဆို ...ယုံကြည်မှု ရဲ့  အနှစ်သာရ ဟာ ချည်နှောင်မှု ၊ ချုပ်နှောင်မှု တွေထက် သံယောဇဉ်တရား ပေါ်မှာ မူတည်နေပါတယ် ။
ဒါကြောင့် မိမိချစ်တဲ့သူရဲ့ လက်ကို မိမိကိုယ်တိုင်ပဲ ရဲရဲ တင်းတင်း ကိုင်လိုက်ပါ ။ သူက ကိုယ့်လက်ကိုင်မှာကို မျှော်လင့်နေမဲ့ အစားလေ ။
ကိုယ့်အပေါ် ယုံကြည်မှုအပြည့်အ၀ ရှိနေပါစေနော် ...

[+/-] ဆက်ဖတ်မယ်...

[+/-] ပြန်ခေါက်မယ်...

@ သား နဲ့ ဖေဖေ

ဖခင်တစ်ယောက်ဟာ အိမ်ကို ပင်ပမ်းနွမ်းနယ်စွာနဲ့ နောက်ကျပြီးပြန်လာပါတယ်။သူ့ ရဲ့  ၅ နှစ်သားအရွယ် သားလေးက သူ့ ကို တံခါးဝ ကနေ စောင့်ကြိုနေပါတယ် ။
"ဖေဖေ...သားတစ်ခုမေးချင်လို့ "
"အင်း...မေးလေ"
"ဖေဖေ အလုပ်လုပ်တာ တစ်နာရီကို ဘယ်လောက်ရလဲဟင်"
"ဒါသားနဲ့ မဆိုင်ပါဘူး။ဘာလို့ ဒါတွေ လာမေးနေတာလဲ ။ ဖခင်က စိတ်တိုပြီးပြောလိုက်တယ်။"
"သားက သိချင်ယုံ သက်သက်ပါ။ပြောလို့ မရဘူးလားဟင်"
"တစ်နာရီကို ၁၀၀၀ ရတယ် ။ဘာဖြစ်လို့ လဲ ...ပြော"
"အိုး"
အာမေဍိတ် တ , ပြီး ကလေးငယ်လေးက ခေါင်းငိုက်စိုက်ကျသွားတယ် ။ ပြီးတော့အဖေလုပ်သူကိုပြောတယ်။

"ဖေဖေ ...ဒါဆိုသားကို မုန့် ဖိုး ၅၀၀ ပေးပါလားဟင်"
"ဘာမဟုတ်တဲ့ အရုပ်ဝယ်ဖို့ ၊ အရေးမပါတာတွေလုပ်ဖို့ အတွက် ငါ့ကို ဒါတွေလာမေးနေတာလား ။ သွား...အခန်းထဲပြန်ပြီးအိပ်တော့ ။ အဖေလုပ်တဲ့သူကတော့ တစ်နေ့ တစ်နေ့  ပင်ပင်ပမ်းပမ်း အလုပ်တွေ လုပ်လို့ ။ မင်းက ကိုယ်လိုချင်တာပဲ ကိုယ်သိတယ် ။"
ကလေးငယ်လည်း အခန်းထဲ ကို တိတ်တိတ်လေး ၀င်သွားတယ် ။
တစ်နာရီလောက်ကြာတော့ ဖခင်လဲ စိတ်အေးသွားတယ် ။ သူတွေးမိတယ် ....
ငါ့သားအရင်က ဒီလို မုန့် ဖိုးမတောင်းဖူးပါဘူး ။ သူဘာများ ၀ယ်ချင်တာ ရှိလို့ ပါလိမ့်...
သားရဲ့ အခန်းတံခါးကို ဖွင့်ပြီး ကလေးကိုကြည့်တယ်။
"သား...အိပ်နေပြီလား"
"မအိပ်သေးဘူး..ဖေဖေ"
"ဖေဖေ ပင်ပမ်းနေလို့ သားကို ဆူလိုက်မိတာပါ...ရော့ သားအတွက် မုန့် ဖိုး ၅၀၀"
ကလေးငယ် ဟာအိပ်ယာပေါ် ကနေ ငေါက်ကနဲ ထထိုင်တယ်။
"ဟေး.....ပျော်စရာကြီး"
ပြောရင်းနဲ့ ကလေးငယ် ဟာ သူ့ ရဲ့ ခေါင်းအုံးအောက်က ပိုက်ဆံတွေကို ထုတ်လိုက်တယ်။ပြီးတော့ ဖြည်းဖြည်းချင်း ရေတွက်နေတယ်။
"သားမှာ ပိုက်ဆံတွေ ရှိနေရက်သားနဲ့  ဘာလို့ ဖေဖေ ဆီက ပိုက်ဆံ ထပ်လိုချင်ရတာလဲ "
"မလောက်သေးလို့ ပေါ့ ဖေဖေရယ် ။ ဒါပေမဲ့  အခု ရသွားပြီ ။ သားမှာ ၁၀၀၀ ပြည့်သွားပြီ ။ ဖေဖေ...သားဖေဖေ့ဆီက အချိန် တစ်နာရီ ၀ယ်လို့ ရမလား ။ မနက်ဖြန်ကျရင် ဖေဖေ ရုံးကနေ တစ်နာရီ စောပြန်လာပေးပါလား ။ သား ဖေဖေနဲ့ အတူ ထမင်းစားချင်လို့ "
ဖခင်ဟာ သားငယ်လေးကို ငေးကြည့်နေရင်း ထွေးဖက်ထားလိုက်ပါတော့တယ် ။

*** သင်ဘာအတွက် အလုပ်တွေ လုပ်နေတာပါလဲ ? ၁၀၀၀ နဲ့ ညီမျှတဲ့ သင့်ရဲ့ အချိန်တွေကို သင်ချစ်တဲ့ သူ အတွက်မျှဝေဖို့ မမေ့ပါစေနဲ့  ***

[+/-] ဆက်ဖတ်မယ်...

[+/-] ပြန်ခေါက်မယ်...

@ မှတ်မှတ်ရရ ဟာသလေးများ (၂)

အပိုင်း(၁)

တောအုပ်အတွင်း အစည်းအဝေးပြုလုပ်ရန် တောတို့ ၏ဘုရင် ခြသေ့င်္ မှ ဟိန်းဟောက်ကာ အချက်ပေးလိုက်သည်။
သတ္တပါ အားလုံး ကြားရာ အရပ်မှ စုရပ်သို့ အပြေးအလွှား ရောက်လာကြသည် ။ စုံလင်သောအခါ ခြသေ့င်္ ကမေးသည်-

"နောက်ဆုံးကျန်နေတဲ့ ဒိုင်နိုဆောကြီးကို ဘယ်သူသတ်လိုက်တာလဲ ?"

သတ္တ၀ါ အားလုံးတိတ်ဆိတ်နေကြသည် ။ ခြသေ့င်္ ကနောက်တစ်ကြိမ် ထပ်မေးသည် ။

"ဒိုင်နိုဆောကြီးကို ဘယ်သူသတ်လိုက်တာလဲ? ဘယ်သူမှ မသိကြဘူးလား ?"
ိ
တိတ်ဆိတ်နေမြဲပင် ။ ကေသရာဇာ ခြသေ့င်္မင်း အလွန်ပင် ဒေါသထွက်လာသည် ။
ကြောက်ခမန်းလိလိ ဟိန်းဟောက်ကာ မေးသည်။
"ဝေါင်း........ ။ ဘယ်သူသတ်လိုက်တာလဲ လို့ မေးနေတာ မကြားဘူးလား?"

ပုရွက်ဆိတ် ထွက်လာသည် -

"သူဘာလို့  ကျွန်တော့်ကို ရန်စလဲ ?"


အပိုင်း(၂)

တံတားတစ်စင်းပေါ်သို့  ဆင်တစ်ကောင် နှင့် ပုရွက်ဆိတ် တစ်ကောင် အတူလမ်းလျှောက်လာကြသည်။ တံတားအဆုံးသို့ ရောက်သောအခါ ပုရွက်ဆိတ် က ဆင်အား ပြောလိုက်သည် ။

"ကြည့်စမ်း...ငါတို့  နှစ်ယောက်လျှောက်လာလိုက်တာ တံတားကြီး ကို တုန်သွားတာပဲ..ဟားဟား "

[+/-] ဆက်ဖတ်မယ်...

[+/-] ပြန်ခေါက်မယ်...

@ သင့်ချစ်သူ က ဘယ်လိုမျိုးလဲ ?

Which type of woman is your girlfriend ?

Internet woman ........: woman of difficult access.
Server woman ...........: always busy when you need her.
RAM woman ............: she forget everything you say when you disconnect her.
Hard-disk woman.....: she remember everything ,forever .
CD-ROM woman .....: she is always faster and faster.
Email woman........... : every 10 things she say , 8 are bullshit.
Multimedia woman . : she make horrible things beautiful.
Screen saver woman : she is not worth for anything ,but at least she is fun.
Windows woman ......: everyone knows that she can't do a thing right,
but no one can live without her.
Excel woman ............: they say she can do a lot of things,
but you mostly use her for your four basic need.
D.O.S woman ...........: everyone had her at least once ,but no one want
her anymore.
Virus woman ............: also known as "wife";when you are not expecting her
she come , install herself and uses all your resources if you try to remove her ,
you will lose something.if you don't try , you will lose everything.
User woman ............ : she did not satisfy everything she does and she ask always
more than she need.

(ကျွန်တော် ဖိုင်တွေပြန်ကြည့်ရင်းနဲ့ တွေ့ လို့ တင်ပေးလိုက်တာပါ .... ဟာသ သဘောသက်သက်ပါ ။
တော်ကြာ မမ တွေက #@+-!$%* စိုးလို့ ....)

[+/-] ဆက်ဖတ်မယ်...

[+/-] ပြန်ခေါက်မယ်...

@ မှတ်မှတ်ရရ ဟာသလေးများ(၁)

အပိုင်း(၁)

ဆရာမ >>> ဖိုးရှုပ်လေး ထပါဦး ။ ပညာ နဲ့ ရွှေအိုး နှစ်ခုထဲက တစ်ခုယူ ဆိုရင် ဘာကိုယူမလဲ ?
ဖိုးရှုပ် >>> ရွှေအိုးကို ယူပါမယ် ဆရာမ ။
ဆရာမ >>> ဆရာမ ကတော့ ပညာကိုပဲ ယူမယ်။ ဘာလို့ လဲ သိလား ?
ဖိုးရှုပ် >>> သိပါတယ် ဆရာမ ။
ဆရာမ >>> ဘာလို့ လဲ ?
ဖိုးရှုပ် >>> လူဆိုတာ ကိုယ့်မှာ မရှိတာကိုပဲ လိုချင်တတ်ကြတယ် မလား ။

အပိုင်း(၂)

ဆရာမ >>> လျှပ်စီးလက်ရင် အလင်းကို အရင်မြင်ပြီး အသံကို နောက်မှ ကြားရတယ်။ ဒါကို သိပံ္ပနည်းကျလေး ပြောပြပါဦး ဖိုးရှုပ်ရယ် ။
ဖိုးရှုပ် >>> မျက်စိက ရှေ့ မှာရှိပြီး ၊ နားက နောက်မှာ ရှိလို့ ပါ ဆရာမ ။

အပိုင်း(၃)

သရက်ခြံထဲတွင်ဖြစ်သည် -
ပိုင်ရှင် >>> ဟေ့ ဖိုးရှုပ် .... သရက်သီး တွေ ခိုးခူးနေတယ် ပေါ့လေ ။ အခုချက်ချင်း သရက်ပင်ပေါ်က ဆင်းလာစမ်း ။
ဖိုးရှုပ် ခေါင်းကုတ်ပြီး သရက်ပင်ပေါ်မှ ဆင်းလာသည်။
ပိုင်ရှင် >>> လာခဲ့စမ်း ။မင်းအိမ်ကို သွားပြီး မင်းအဖေ နဲ့ တိုင်ပြောရလိမ့်မယ် ။
ဖိုးရှုပ် >>> ဘယ်ကို သွားနေတာလဲ ဗျ ။ အဖေက ဟိုဖက် အပင်ပေါ်မှာ ။

[+/-] ဆက်ဖတ်မယ်...

[+/-] ပြန်ခေါက်မယ်...

@ GOOD NIGHT

@ Husband Wife & Family အပေါ်အမြင်လေးတွေကို အခုလိုသူတို့ ကပြောကြပါတယ်-

Republic said...

ဟာသဥာဏ်ကောင်းတဲ့ "ပူး" ကလေးလို့ မြင်ပါတယ်။

win zaw said...

အတွေးကောင်း၊ စိတ်ကူးကောင်းလေးပဲ။ ဒါပေမယ့် wife နဲ့ပတ်သက်ပြီး ကိုယ့်ကောင်မလေးကို ဝေဖန်ခိုင်းတော့ သိပ်မနှစ်သက်ဘူး။ မကြိုက်သလောက်ပဲ။ ညီလေးရေ ကောင်မလေးတွေကို သတိထားတော့

phyonge said...

အကုန်လုံးတော့ မမှန်ဘူးထင်တယ် .... ဥပမာ
မိသားစု ဆိုတာ အားလုံးအနေနဲ့ယူပြီး အဓိပ္ပါယ်
ဖွင့်ရင် ပိုကောင်းမယ်ထင်ပါတယ် ... ကျွန်တော့်အထင်ကိုပြောတာပါ ... စိတ်ကူးလေးကိုတော့ ကြိုက်ပါတယ်

dreampoem said...

ခုမပဲ သိတော့တယ်ဗျာ...ကိုပူးလေးကတော်တော်လေ့လာထားတာပဲ..
မဟုတ်မလွဲရော..လူပျိုကြီးဖြစ်ရမယ်..

သူကတော့ cbox မှာဒီလိုပြောသဗျ.......

decembercinderella: I am not satisfied with the expression of WIFE .. I will write from the Against point again later .. come to my site ..

ကျွန်တော့်အတွက်တော့ ဝေဖန်အကြံပြုချက်တွေဟာ blog ကိုဆက်လက် အသက်သွင်းဖို့  အားအင်တွေပါပဲ ။
နောက်တစ်ခုကျွန်တော် ပြောချင်တာ @ Husband Wife & Family ကအဓိပ္ပါယ်ဖွင့်ဆိုချက်တွေက ကျွန်တော့်ရဲ့  လေ့လာမှတ်သားမှုများသာ ဖြစ်ပါတယ် ။ ကျွန်တော့် စိတ်ကူး မဟုတ်ပါဘူး ။

ကျွန်တော့် ကို ဝေဖန်အကြံပေးသူများအတွက် " good night " ဆိုတဲ့ နေ့ တိုင်းပြောနေကျ စကားလေးကို လက်ဆောင်ပေးလိုက်ပါတယ် -ကြည့်လိုက်ပါဦး ~
GOOD NIGHT

Go to bed
Off Light
Out of tension
Dream come

Nice sleep
Ignore worry
Get up early
Have a nice day
Think about me

ဝေဖန်အကြံပေး မှုတွေကို မျှော်လင့်လျက် ............

[+/-] ဆက်ဖတ်မယ်...

[+/-] ပြန်ခေါက်မယ်...

@ HUSBAND , WIFE and FAMILY

အချစ်ဆိုတာ အိမ်ထောင်တစ်ခု စတင်ဖို့ အတွက် အစ ပျိုးမှုတစ်ခု ဖြစ်မယ်လို့ ထင်ပါတယ်။
မိသားစု ဆိုတဲ့ ဘ၀ထဲမှာ ပါဝင်လှုပ်ရှားနေတဲ့ အောက်က စာလေးတွေကို ကြည့်လိုက်ကြရအောင်.....

FAMILY

Father And Mother I Love You .

HUSBAND

Housing
Understanding
Sharing
Buying
And
Never
Demanding

WIFE

Washing
Ironing
Food
Entertainment

ကဲ....ဘယ်လိုမြင်ကြပါသလဲ ? စာဖတ်သူတို့ ရဲ့  အမြင်လေးတွေကို သိပါရစေလားဗျာ ။

[+/-] ဆက်ဖတ်မယ်...

[+/-] ပြန်ခေါက်မယ်...

@ ကောင်လေးနဲ့ ကောင်မလေး(၂)

ဆိုင်ကယ်တစ်စီးပေါ်မှာ ကောင်လေးတစ်ယောက်နဲ့ ကောင်မလေး တစ်ယောက် ။သူတို့ ဆိုင်ကယ်ဟာ တစ်နာရီကိုမိုင် တစ်ရာနှုန်းနဲ့ လမ်းမထက်မှာ မြားတစ်စင်းလို ပြေးနေတယ်။
ကောင်မလေး>>>>> ဖြေးဖြေးမောင်းပါ မောင် ရဲ့ ။ သဲ ကြောက်တယ် ။
ကောင်လေး >>>>> ဟာ....... သဲ ကလဲ ၊ ဒီလောက်ပျော်ဖို့ ကောင်းတာကို ။
ကောင်မလေး>>>>> မကောင်းပါဘူး ။ ဖြေးဖြေးပဲ မောင်းပါ မောင်ရယ် ...နော် ။
ကောင်လေး >>>>> ဒါဆို မောင့်ကို ချစ်ပါတယ် လို့ ပြော ။
ကောင်မလေး >>>>> မောင့်ကို ချစ်ပါတယ် ။ ဖြေးဖြေးမောင်းပါနော် ။
ကောင်လေး >>>>> သဲ....မောင့်ကို ဖက်ထားပါလားဟင် ......
ကောင်မလေး >>>> (တင်းတင်းကြပ်ကြပ် သူမက ဖက်ထားလိုက်တယ်)
ကောင်လေး >>>>> မောင့်ရဲ့  helmet ကိုချွတ်ပေးပါလား ။ ခိုးလို့ ခုလု နဲ့ ရှုပ်လို့ ... သဲ ပဲဆောင်းထားလိုက်။


နောက်တစ်ရက် သတင်းစာမှာတော့ ဆိုင်ကယ်တစ်စီး brake ပေါက်ပြီး အဆောက်အဦးတစ်ခုနဲ့ တိုက်မိတဲ့ အကြောင်းပါလာတယ်။
လူငယ်နှစ်ဦးဖြစ်ပြီး ကောင်မလေးတစ်ဦးပဲ အသက်ရှင်တယ် ။

တကယ်တမ်းက လမ်းတစ်ဝက် အရောက်မှာတင် ဆိုင်ကယ် brake ပေါက်သွားတဲ့အကြောင်းကို ကောင်လေးက သိခဲ့ပါတယ်။ သူမကိုပေးမသိခဲ့တာပါ ။ သူ ဘာကြောင့် သူ့ ရဲ့ အသက်ကိုတောင် ဂရုမစိုက်ပဲ အခုလိုလုပ်ခဲ့တယ် ဆိုတာ စာဖတ်သူတို့  သိလိမ့်မယ်ထင်ပါတယ် ။ (စာဖတ်သူ ကော ကောင်လေးနေရာမှာ ဆိုရင် ဘာလုပ်မိမလဲ ? အဲဒီ ကောင်လေးလောက် ကိုယ့်ချစ်သူ အပေါ်ချစ်နိုင်ပါ့မလား ။)

[+/-] ဆက်ဖတ်မယ်...

[+/-] ပြန်ခေါက်မယ်...

@ မျက်မမြင် ကောင်မလေးသို့ 

တစ်ခါကမြို့ ငယ်လေးတစ်မြို့ မှာ အရမ်းကို ချောမောလှပတဲ့ကောင်မလေးတစ်ယောက်ရှိတယ်။ ဒါပေမဲ့ သနား စရာ ကောင်းတာက အဲဒီကောင်မလေး ဟာ မျက်စိမမြင်ရှာဘူး ။ ပြီးတော့ သူ့ မှာ မိဘတွေလဲ မရှိတော့လို့  အဒေါ်တစ်ယောက်နဲ့ အတူ နေရတယ် ။ အဒေါ်ကလဲ စီးပွားရေး လုံးပန်းနေရတာကြောင့် သူ့ ကို အဖော်ပြု မပေး နိုင်ဘူးပေါ့ ။ ဒါပေမဲ့  အဲဒီကောင်မလေးဟာ အထီးကျန်မနေပါဘူး ။ဘာလို့ လဲ ဆိုတော့ သူ့ အနားမှာ အမြဲပဲ အဖော်ပြုပေးနေတဲ့ သူနဲ့ ရွယ်တူ ကောင်လေးတစ်ယောက် ရှိနေလို့ ပါပဲ။အချိန်တွေ ကြာလာတာနဲ့ အမျှ ကောင်လေးဟာ ကောင်မလေးကို လေးနက်တဲ့ မေတ္တာစစ် မေတ္တာမှန် နဲ့ ချစ်မိပါတော့တယ် ။ အဲဒါကြောင့် တစ်နေ့ မှာတော့ သူမကို ချစ်ခွင့်ပန်လိုက်တယ် ။

“ ငါ နင့်ကို အရမ်းချစ်တယ် ကောင်မလေးရယ် ”
“ မဖြစ်နိုင်ပါဘူး ကောင်လေးရယ် ”
“ ဘာလို့ မဖြစ်နိုင်ရတာလဲ ဟင် ”
“ ဘာကြောင့် လဲဆိုတော့ ငါက မျက်မမြင် ဖြစ်နေလို့ ပေါ့ဟာ။”
ကောင်လေးဟာ သိပ်ကို စိတ်မကောင်းဖြစ် သွားတယ်။
“ အားမငယ်ပါနဲ့  ကွယ် ။ ငါ နင့်ကို တစ်သက်လုံး စောင့်ရှောက်သွားပါရစေ။နင့်ကို လက်ထပ်ပါရစေ။ ”
“ ငါ့ကို ချစ်တယ်ဆိုရင် ငါ့ဆန္ဒကို လိုက်လျောရမှာပေါ့ ။ ငါ မျက်လုံးကွယ်နေသရွေ့  ငါဘယ်သူ့ ကိုမှလက်မ ထပ် ဘူး။ ”
တစ်နေ့ မှာတော့ ကံကောင်းခြင်းတွေဟာ အစပြုလို့ လာပါတယ် ။ မျက်ကြည်လွှာ အလှူရှင် ပေါ်ပေါက် လာခြင်းပါပဲ။ ကောင်မလေး ဟာအဲဒီနေ့ ကို တိတ်တခိုးမျှော်လင့်နေခဲ့ရတာကြာပါပြီ ။သူ့ မ ဟာအဲဒီ သတင်း ကိုကြားတော့ ပျော်လွန်းလို့  အိပ်တောင်မပျော်နိုင်ပါဘူး ။ နောက်တစ်နေ့ မှာ ကောင်မလေးရဲ့ မျက်စိ ကို ခွဲစိတ် ကုသကြပါတယ် ။ ခွဲစိတ်မှု အောင်မြင်ခဲ့ပါတယ် ။ပတ်တီးဖြည်မဲ့နေ့ မှာ ကောင်မလေးစိတ်တွေ သိပ်ကို လှုပ်ရှားနေပါတယ် ။ သူမ ဘယ်သူ့ ကို အရင်ဆုံးမြင်ရမလဲ ? သူမ ဘယ်သူ့ ကို စပြီးမြင်ချင်သလဲ ? ကောင်လေး ဆိုတဲ့ အတွေးဟာ သူမ နှလုံးသားကို ရိုက်ခတ်သွားပါတယ် ။ ဒါပေမဲ့ လောကကြီးဟာ မထင်မှတ် ထားတဲ့ ထူးထူးဆန်းဆန်း အရာတွေ သူမကို စပေးပါတယ် ။ သူမ လုံးဝ မသိထားတဲ့ အရာတစ်ခုက ကောင်လေး ဟာလဲ သူမနဲ့ ဘ၀တူ မျက်မမြင် တစ်ဦး ဖြစ်နေခြင်းပါပဲ ။ နောက်တစ်နေ့ မှာ ကောင်လေးက ကောင်မလေး အနားကို ရောက်လာပြီး မေးတယ် ။
“ နင် သိပ်ပျော်နေမှာ ပဲနော် ... ”
“ အင်း...အရမ်းကို ပျော်နေတယ် ။ နင် သိရဲ့ လား ? ငါ ဒီနေ့ မှန်ကြည့်တော့ ငါ... သိပ်လှတာပဲ ”
ကောင်မလေး ဟာ အရမ်းကို မြူးတူးပျော်ပါးနေတယ် ။ ကောင်လေးလဲ ပျော်နေတာပါပဲ ။
“နင် အခု ငါ့ကို လက်ထပ်နိုင်ပြီလားဟင် ” ကောင်လေးက မျှော်လင့်ချက် အပြည့်နဲ့ မေးလိုက်တယ် ။
ကောင်မလေး ရဲ့ အပျော်တွေဟာ ရုတ်တရက် ရပ်တန့် သွားတယ် ။ ပြီးတော့ သူမ တွေးတယ် ။ “မျက်မမြင် တစ်ယောက်နဲ့  ငါတစ်သက်လုံး ပျော်ပျော်ရွှင်ရွှင် နေသွားနိုင်ပါ့မလား ?” သူမ ခေါင်းခါမိတယ် ။
“စိတ်မကောင်းပါဘူး ကောင်လေးရယ် ။ ငါ နင့်ကို လက်မထပ် နိုင်ဘူး ။”
ပြောရင်းကောင်မလေး ဟာအဝေးကို ထွက်ပြေးသွားတယ် ။ ကောင်လေးကတော့ အံ့အားသင့်မှုတွေနဲ့ ပေါ့ ။ဒီ လို နဲ့ ကောင်မလေး ဟာ တခြားကောင်လေး တစ်ယောက်နဲ့  လက်ထပ်သွားခဲ့တယ် ။ ကောင်လေး အတွက် တော့ မမျှော်လင့်နိုင် လောက်အောင်ပါပဲ ။ သူ့ ရင်ထဲမှာ တစ်ယောက်ထဲ စကားတွေ ပြောနေမိတယ် ....

“နင့် ကို ချစ်လို့  နင့်ရဲ့ ဆန္ဒတွေအားလုံးကို ငါလိုက်လျောခဲ့ပါတယ် ကောင်မလေးရယ် ။ ငါ့အတွက်တော့ နင့်ကို ချစ်နေခွင့် ရနေတာ ၊ ငါ့ရဲ့ မျက်လုံးတွေနဲ့  နင့်အတွက် အလင်းရောင်တွေကို ဖန်ဆင်းပေးနိုင် ခဲ့တာကို ပဲ ငါတစ်သက်လုံး ကျေနပ်နေမှာပါ.....”

[ဘာသာ ပြန်ထားခြင်း ဖြစ်ပါသည်။]

[+/-] ဆက်ဖတ်မယ်...

[+/-] ပြန်ခေါက်မယ်...

@ ရှင်ဘုရင်ကြီးအကြောင်း

တစ်ခါက ရှင်ဘုရင်တစ်ပါးဟာ ပန်းခြံထဲ ခြေစင်္ကြာဖြန့်နေတုန်း လှပတဲ့ မြွေလေးတစ်ကောင် စည်းရိုးနားက ဆူးခက်တွေကြားမှာ ငြိနေတာကို တွေ့လိုက်တယ်။ မြွေငယ်ကို ဘုရင်က ကယ်တင်လိုက်တယ်။

နောက်တစ်နေ့ ဘုရင်ကြီး ပန်းခြံထဲ လှည့်လည်နေတုန်း အ၀တ်အစား သပ်သပ်ရပ်ရပ် ၀တ်ဆင်ထားတဲ့ ပုဂ္ဂိုလ်တစ်ဦးကို တွေ့ လိုက်တယ်။
"အသင်ဟာ ဘယ်သူလဲ..? ဘယ်နည်းနဲ့ နန်းတော်ထဲ ကျူးကျော်ဝင် ရောက်လာသလဲ? "
့“ကျွန်တော်မျိုးက နဂါးမင်းပါ။ ကျေးဇူးဆပ်ဖို့ အတွက် ရောက်ရှိလာခြင်း ဖြစ်ပါတယ်”

"ဘာကျေးဇူးများလဲ? "

"မနေ့က ကျွန်တော့်မျိုး သမီးလေး အရှင်ပန်းခြံထဲက ပန်းများကိုရှုစားရင်း စည်းရိုးမှာ ငြိနေခဲ့တယ်။ အရှင် ကယ် တင်ခဲ့လို့ သမီးတော်လေး နေလောင်ခြင်းမှာလွတ်ကင်းခဲ့ရတဲ့အတွက် ကျေးဇူးဆပ်ချင်ပါတယ်။အရှင်လိုရာ ပြော ပါ။ ကျွန်တော်မျိုး ကူညီဖို့အသင့်ပါ"

"အင်း...နန်းတော်မှာ အဖိုးတန်ပစ္စည်းတွေ အများအပြားရှိတယ်။ ဘာမှလိုလေသေး မရှိဘူးဆိုပေမဲ့ သတ္တ၀ါတို့ရဲ့ ဘာသာစကားကို အကျွန်ုပ်တတ်ချင်တယ်။ အကျွန်ုပ်က ကျေးငှက်တိရိစ္ဆာန်တွေကို ချစ်ခင်နှစ်သက်တယ်။ ဒါပေ မဲ့ သူတို့ဘာတွေပြောနေမှန်း နားမလည်ခဲ့ဘူး"

"ဒါ မခက်ခဲပါဘူး အရှင်။ သူတို့ရဲ့ စကားကို နားလည်ချင်ရင် ဒီနေ့ကစပြီး သူတို့ရဲ့အသားကို မစားပါနဲ့။ သူ့အသား ကိုစားပြီး သူ့စကားကို နားလည်တာမျိုးက မဖြစ်နိုင်ဘူး။ သက်သတ်လွတ်စားပြီး ခုနှစ်ရက်အတွင်း သူတို့စကား ကို အရှင်နားလည်လာပါလိမ့်မယ်။ ဒါပေမဲ့ ဒီကိစ္စကို အရှင်လျှို့ဝှက်ထားရမယ်။ တစ်ယောက်ယောက်က သိသွား ရင် အစွမ်းပြယ်သွားလိမ့်မယ်"

နဂါးမင်းက ပြောပြောဆိုဆို ပျောက်ကွယ် သွားတယ်။ ဘုရင်ကြီးက နဂါးမင်းပြောတဲ့အတိုင်း လိုက်နာခဲ့တယ်။ ခုနှစ်ရက်ရောက်တော့ ဘုရင်ကြီး စားပွဲတော်ခံနေတုန်း ပိုးဖလံနှစ်ကောင်ရဲ့ အသံကိုကြားလိုက်တယ်။

ပိုးဖလံတစ်ကောင်က "တော်... ဟိုကြမ်းပြင်မှာကျနေတဲ့ ထမင်းစေ့ကို သွားကောက်ပါလား" လို့ပြောတော့ နောက် ပိုးဖလံတစ်ကောင်က "စားချင်ရင် ကိုယ်တိုင်သွားကောက်ပါလား"

"ကျုပ်မပျံနိုင်လို့ တော့်ကို ကောက်ခိုင်းတာပေါ့။အစကတော့ချစ်ပါတယ်ဆို ခုတော့ ထမင်းတစ်စေ့ သွားကောက် ဖို့ တောင် တော်မလုပ်နိုင်တော့ဘူးလား"

"အစားပဲရှိပြီ အလုပ်မရှိလို့ ၀နေတာပေါ့။ ၀ိတ်လျှော့ပါဆိုတော့ မလျှော့ဘူး။ ဘုရင်နဲ့ မိဖုရားရှေ့မှာ ကျုပ်ကို ထမင်း သွားကောက်ခိုင်းတာ သေခိုင်းတာနဲ့အတူတူပဲ။ ဘာလဲ မင်းနောက်မီးလင်းနေလို့ ငါ့ကို သေကြောင်း ကြံ တာလား? "

ပိုးဖလံနှစ်ကောင် အချီအချပြောနေတဲ့ စကားကိုကြားတော့ ဘုရင်ကြီးက မအောင့်နိုင်ဘဲ ရယ်မိတော့တယ် ။ ရုတ်တရက် ထရယ်တဲ့ ဘုရင်ကို မိဖုရားက ဘာကြောင့်ရယ်တာလဲ မေးတော့ ဘုရင်က ဘာမှမဟုတ်ကြောင်း လက်ကာပြတယ်။

ထမင်းစားပြီး မိဖုရားနဲ့ ရေနွေးကြမ်းသောက်နေတုန်း အိမ်ခေါင်မိုးပေါ်က အိမ်မြှောင်နှစ်ကောင်ရဲ့ စကားပြောသံ ကို ဘုရင်က ကြားလိုက်မိပြန်တယ်။

"ဘေးဖယ် ရှင်မရေ.."

"ဒီလောက်ညဥ့်နက်နေပြီ ရှင်ဘယ်သွားမလို့လဲ။ ဘေးအိမ်က မုဆိုးမဆီ သွားမလို့လား? "

"ဟာ.. ဒီမိန်းမ ငါဘယ်နှစ်ခါ ပြောရမလဲ။ ဘေးအိမ်ကနဲ့ ငါ ဘာမှမပတ်သက်ဘူး။ လူတကာကို မစွပ်စွဲနဲ့"


"ဪ... ကျေးဇူးကန်းရဲ့.. ရှင်က သူ့ကို ကာဆီးကာဆီး လုပ်တာလား။ နေ့တိုင်းပဲ အဲဒီမိန်းမကြောင့် ကျုပ်တို့ စကားများရတယ်။ မပတ်သက်ရင် ဘာဖြစ်လို့ ခဏခဏ သွားနေရတာလဲ"


"ငါ ဘေးအိမ်ကို သွားတာမဟုတ်ဘူး။ မင်း ပူညံပူညံလုပ်လွန်းလို့ နားအေးပါးအေး အပြင်ထွက်ရှောင်မလို့.. ဖယ် စမ်းပါ"

"မဖယ်နိုင်ဘူး ရှင်ရေ... အစကတော့ ကျွန်မကို မခွဲမခွါဘဲ တစ်သက်လုံးချစ်မယ်ဆို။ အခုယူတာ တစ်လတောင် မရှိသေးဘူး။ ရှင်က ကျုပ်ကို ခွါချင်ပြီလား"

အိမ်မြှောင်နှစ်ကောင် လုံးရင်းဆန်ရင်း ခေါင်မိုးပေါ်က ပြုတ်ကျလာပြီး အမြီးတွေ ပြတ်ကုန်တယ်။ "တောက်.. ဒီတစ်လ အမြီးပြတ်တာ သုံးခါရှိပြီကွ" ဒေါနဲ့မောနဲ့ ပြောလိုက်တဲ့ အသံကိုကြားတော့ ဘုရင်ကြီးက မအောင့် နိုင် ဘဲ ရယ်မိပြန်တယ်။ မိဖုရားက မေးတော့ ဘုရင်က ဘာမှမဟုတ်ကြောင်း လက်ကာပြပြန်တယ်။

အဲဒီနေ့ကစပြီး ဘုရင်ဟာ ရုတ်တရက် ထထရယ်နေတတ်တယ်။ ကြုံရဖန်များလာတော့ မိဖုရားက "ဘုရင်ကြီး တစ်ခုခုကို လျှို့ဝှက်ထားပုံရတယ်။ ငါ့အသက်နဲ့ မခြိမ်းခြောက်ခဲ့ရင် သူပြောပြမှာ မဟုတ်ဘူး" ဆိုပြီး ဘုရင်ကြီး ရယ်တဲ့ အကြောင်းရင်းကို မပြောပြရင် ကိုယ့်ကိုကိုယ် အဆုံးစီရင်မယ်လို့ မိဖုရားက ခြိမ်းခြောက်တော့တယ်။

ဘုရင်ကြီးက လျှို့ဝှက်ချက်ကို မပြောပြချင်တော့ " ခဏနေအုန်း.. ကျုပ်အပြင်ထွက်ပြီး စိတ်အပန်း ဖြေလိုက် အုန်းမယ်။ ပြန်လာရင် ပြောပြမယ်" ဆိုပြီး ထွက်ခဲ့တယ်။ နန်းတော်ရဲ့ တစ်နေရာ ဆိတ်ခြံကိုတွေ့တော့ ဆိတ်နှစ် ကောင် စကားပြောနေတာကို ဘုရင်ကြီးက ကြားမိတယ်။

"ကျွန်မမှာ ကိုယ်လေးလက်ဝန်နဲ့ ကျွန်မကို ချီပိုးစမ်းပါ"
"လမ်းလျှောက်နေရက် အကောင်းကြီးကနေ ကျုပ်ကို ဘာလို့ပိုးခိုင်းရတာလဲ"
"ရှင်မပိုးရင် ကျွန်မကိုယ်ကျွန်မ သတ်သေလိုက်မှာနော်"
"ရော်... ဘယ်နှယ့် အဲဒီလို တုံးအတဲ့အတွေးရှိရတာလဲ ရှင်မရယ်။ အဲဒီစကား ဘယ်က သင်ခဲ့တာလဲ ပြောစမ်း"

" ခုန က ဘုရင်နဲ့ မိဖုရား ပြောနေတာကို ကြားလိုက်လို့ပါ။ မိဖုရားက ကိုယ့်ကိုကိုယ် သတ်သေ မယ်ဆိုပြီး တောင်းဆိုတာကို ဘုရင်က ချက်ချင်းပဲ လိုက်လျောခဲ့တယ်။ ကိုယ့်ကိုကိုယ်သတ်သေ တယ်ဆိုတာ လက်နက် ကောင်း တစ်မျိုးပဲ။ ဒါကြောင့် ရှင် ကျွန်မကို အရင်ကလို ချစ်သေးလား... မချစ်ဘူးလားလို့ စမ်းကြည့်တာ"

"ဟား...ဟား.. မင်း အရမ်းတုံးအတာပဲ။ ကိုယ့်ကိုကိုယ် အဆုံးစီရင်တယ်ဆိုတာ ကမ္ဘာပေါ်မှာရှိသမျှ အပြုအမူ ထဲက ရယ်စရာအကောင်းဆုံးနဲ့ အတုံးဆုံး။ သတ္တ၀ါတွေထဲမှာ လူတွေကလွဲရင် ဘယ်သတ္တ၀ါကမှ ကိုယ့်ကိုကိုယ် အဆုံးစီရင်တဲ့လမ်း မရွေးဘူး။ သတ္တ၀ါတိုင်းက ကိုယ့်အသက်ကို ကိုယ်ချစ်တယ်။ ကိုယ့်အသိနဲ့ ကိုယ်အသက် ရှင်တယ်။ ကိုယ့်ကိုကိုယ် အဆုံးစီရင်တာကို တစ်ခြားလူက ကြားခံပြီး လာသေပေးလို့မရဘူး။ လူတွေလို ကိုယ့် ကိုကိုယ် အဆုံးစီရင်ချင်သလား..? ကိုယ့်ကိုကိုယ် ဆိတ်ပီသအောင် ကျင့်ကြံမလား..? ကြိုက်ရာလမ်းကို ရွေး ပေးတော့"

ဆိတ်ဖို ပြောစကားကို နားထောင်ပြီး ဆိတ်မ ငြိမ်ကုတ်သွားတယ်။ ဘုရင်က သူတို့ပြောတဲ့ စကားကိုနားထောင် ပြီး "ငါဟာ တိုင်းပြည်ရဲ့ အရှင်သခင် ဘုရင်လို့သာပြောတယ်။ ငါ့ရဲ့ အသိဥာဏ်က ဆိတ်တစ်ကောင်ရဲ့ အသိ ဥာဏ်လောက် တောင် မရှိပါလား" လို့ တွေးမိပြီး မိဖုရားကို ပြောပြဖို့ နန်းတော်ထဲ ပြန်ခဲ့တယ်။

မိဖုရားကိုတွေ့တော့ ဘုရင်က"နှမတော်နဲ့ အတူနေချိန် မောင်တော်အမြဲရယ်ဖြစ်တာက ဟိုးအရင်က နှမတော် နဲ့အတူ ပျော်ပါးခဲ့တဲ့ အချိန်တွေကို ပြန်အောက်မေ့ သတိရမိလို့ပါ။ စားသောက်နေချိန်မှာလဲ သတိရတယ်။ အ ပန်းဖြေချိန်မှာလဲ သတိရတယ်။ အစဉ်အမြဲ သတိရနေလို့ပါပဲ နှမတော်"

"ဒါဆိုရင် ဘာဖြစ်လို့ အစကတည်းက မပြောတာလဲ"

"စိတ်ထဲမှာ ထားပြီး တမြေ့မြေ့နဲ့ အောက်မေ့နေရတာက ပိုချိုမြိန်တယ်လေ နှမတော်။ အမွှေးရနံ့တွေ ထည့်ထားတဲ့ ပုလင်းတစ်လုံးလိုပေါ့။ အဖုံးဖွင့်လိုက်ရင် ရနံ့တွေပြန့်လွှင့်ကုန်တယ်"

ဘုရင်ရဲ့ နားဝင်ချိုတဲ့ စကားကိုကြားတော့ မိဖုရားက ၀မ်းသာပီတိဖြစ်ရတယ်။ ဘုရင်က ရုတ်တရက် ပိုးဖလံ နှစ်ကောင် ရဲ့ စကားကို ကြားလိုက်မိတယ်။

"လူတွေရဲ့ စကားချိုချို ပြောတတ်တဲ့ အကျင့်ကို အတုယူထားစမ်းပါ"
"ရှင်လဲကျွန်မကို အဲဒီလို စကားမျိုးပြောရင် ရှင့်ကိုကျွန်မ ရန်မရှာတော့ဘူး"

ဘုရင်ကြီး ရယ်လိုက်မိပြန်တယ်။

[+/-] ဆက်ဖတ်မယ်...

[+/-] ပြန်ခေါက်မယ်...

@ ချစ်စကား အမျိုးမျိုး

MYANMAR......>>>>> ချစ်တယ်
.................................ကချင် ~ စောရအိုင်
.................................ကရင် ~ ယအဲ့ဉ်နာ
...................................ချင်း ~ ကွတ်ငိုက် (ဘာသာကွဲအများကြီးထဲကတစ်ခု)
...............................c... မွန် ~ အိုးချမ်းပိတ်
..................................ရခိုင် ~ ချိူက်ပါရေ
................................ ရှမ်း...~ ဟောင်းဟတ်စူ
ENGLISH.......>>>>> i love you
CHINESE.......>>>>> wo ai ni
KOREAN........>>>>> sa rang ni
CAMBODIAN >>>>> Soro lahn nhee ah
MALAYSIAN ..>>>>>Saya cintakan mu / Aku cinta padamu
FILIPINO........>>>>> Mahal kita
THAI...............>>>>> Chan rak khun (to male)
THAI...............>>>>>Phom rak khun (to female)
VIETNAMESE>>>>>Em ye^u anh (to male)
VIETNAMESE>>>>>Anh ye^u em (to female)
TAIWANESE...>>>>> Wa ga ei li
JAPANESE.....>>>>> aishi te ru
RUSSIA..........>>>>> ya lu balu kyibyar

Sign Language - ,\,,/ (represents position of fingers)

(မှားတာ ရှိရင် ပြင်ပေးပြီး တိုင်းရင်းသားဘာသာထဲက သိတာလေးတွေ ရှိရင် ပေးကြပါအုံး )
ကယားတစ်မျိုးပဲ လိုတော့တယ်ဗျ

[+/-] ဆက်ဖတ်မယ်...

[+/-] ပြန်ခေါက်မယ်...

@ Before and After "MARRIAGE"

လက်မထပ်မီကပေါ့....................

ကောင်လေး^^^ အင်း...နောက်ဆုံးတော့ ဘယ်လိုမှကိုစောင့်နေဖို့ သည်းမခံနိုင်တော့ဘူး ။
ကောင်မလေး^^^ နင် ငါ့ကို ထွက်သွားစေချင်သလား ?
ကောင်လေး ^^^ ဟင့်အင်....အဲဒီအကြောင်းကို လုံးဝ မတွေးပါနဲ့ ။
ကောင်မလေး^^^ နင်ငါ့ကို ချစ်လားဟင် ?
ကောင်လေး^^^ အင်းပေါ့...အရမ်းအရမ်း ကိုလေ။
ကောင်မလေး^^^ နင်ငါ့ကို အနိုင်ယူ မှာလား ?
ကောင်လေး^^^ ဟင့်အင်း!!!ဘာလို့ အဲလိုမေးရတာလဲ။
ကောင်မလေး^^^ နင် ငါ့ကို နမ်းမှာလား ဟင် ?
ကောင်လေး^^^ အခွင့်အရေး ရတိုင်းပေါ့.....
ကောင်မလေး^^^ နင်ငါ့ကို ရိုက်မှာလား ?
ကောင်လေး^^^ ရူးနေလားကွယ်...ငါက အဲလို လူမျိုး မဟုတ်ပါဘူး ။
ကောင်မလေး^^^ နင့် ကိုငါ ယုံ လို့ ရမလားဟင် ?
ကောင်လေး^^^ အင်း........
ကောင်မလေး^^^ အချစ်ရယ်.....

~~~လက်ထပ်ပြီးနောက်ပိုင်း ဘယ်လို ပြောကြသလဲ ဆိုတာ သိချင်သလား ? ~~~
(ရှူး.........တိုးတိုး ၊ ကောင်မလေးတွေ မသိစေနဲ့ ဗျ ။ အောက်ကနေ အပေါ်ကို ပြောင်းပြန် ပြန်ဖတ်လိုက်)

[+/-] ဆက်ဖတ်မယ်...

[+/-] ပြန်ခေါက်မယ်...

@ ယောက်ျားတွေ ဘာလို့ ညာကြတာလဲ ?

တစ်နေ့ မှာ သစ်ခုတ်သမားတစ်ယောက်ဟာ မြစ်ကမ်းထက်နားက သစ်ပင်တစ်ပင်ရဲ့ အကိုင်းကို အားရပါးရ ခုတ်နေ ပါတယ် ။အဲ....အဲလိုခုတ်နေရင်းနဲ့ သူ့ ရဲ့ လက်စွဲတော် ပုဆိန်ဟာ မြစ်ထဲကို ပြုတ်ကျသွားပါလေရော။ သူလဲ ဘာလုပ်ရမှန်းမသိတော့တာနဲ့ ပဲ မြစ်ကမ်းနဖူးမှာ ထိုင်ငိုနေမိတယ်။အဲဒီအချိန်မှာ မြစ်ကို စောင့်တဲ့ နတ်မင်းကြီးပေါ်လာပြီး သစ်ခုတ်သမားကို အခုလိုမေးသတဲ့ ။

"အသင် ဘာကြောင့် ငိုနေရတာလဲ ?"

"ကျွန်တော်မျိုး ရဲ့ ပုဆိန် မြစ်ထဲကို ကျသွားလို့ ပါ အရှင် ။ ပုဆိန်မရှိ ပဲကျွန်တော်မျိုးဘယ်လို အလုပ် ဆက်လုပ်ရ ပါ့မလဲ "လို့ သစ်ခုတ်သမားက ပြန်ဖြေတယ် ။
နတ်မင်းကြီးဟာ ရေထဲကို ပျောက်ကွယ်သွားပြီး ရွှေပုဆိန်တစ်လက် နဲ့ အတူ ပြန်ပေါ်လာပါတယ်။ပြီးတော့ သစ်ခုတ်သမားကို မေးတယ်။

"ဒါ သင်၏ ပုဆိန်လား ? "
"မဟုတ်ပါဘူး အရှင်" သစ်ခုတ်သမားက ပြန်ဖြေတယ်။

နတ်မင်းကြီးဟာ ရေထဲကို ပျောက်ကွယ်သွားပြီး ငွေပုဆိန်တစ်လက် နဲ့ အတူ ပြန်ပေါ်လာပြန် ပါတယ်။

"ဒါ သင်၏ ပုဆိန်လား ? "
"ဒါလဲ မဟုတ်ပါဘူး အရှင်" သစ်ခုတ်သမားက ထပ်ဖြေတယ်။

နောက်တစ်ကြိမ် နတ်မင်းကြီးဟာ ရေထဲကို ပျောက်ကွယ်သွားပြီး သံပုဆိန်တစ်လက် နဲ့ အတူ ပြန်ပေါ်လာပြန် ပါတယ်။

"ဒါ သင်၏ ပုဆိန်လား ? "
"ဟုတ်ပါတယ်" သစ်ခုတ်သမားက ၀မ်းသာအားရ နဲ့ ဖြေတယ် ။

နတ်မင်းကြီးဟာ သစ်ခုတ်သမားရဲ့  ရိုးသားမှု ကို နှစ်သက်ကျေနပ်သွားပြီး ပုဆိန် (၃) လက်လုံးကို ပေးလိုက်တဲ့ အခါ သစ်ခုတ်သမားလည်း ၀မ်းသာအားရနဲ့  အိမ်ကို ပြန်သွားပါတော့တယ် ။

သိပ်မကြာတဲ့ ကာလတစ်ခုမှာ သစ်ခုတ်သမားဟာ သူ့ ရဲ့ ဇနီး နဲ့ အတူ မြစ်ကမ်းနဘေးကို လမ်းလျှောက်ထွက် လာခဲ့ပါတယ်။မမျှော်လင့်ပဲ သူ့ ရဲ့ မိန်းမဟာ မြစ်ထဲကို ခြေချော်ပြီး ပြုတ်ကျသွားပါရော ။ ဒီတစ်ခါလည်း ဘာလုပ် ရမှန်းမသိ ငိုနေတဲ့ အတွက် မြစ်စောင့်နတ်မင်းကြီးဟာ ပေါ်လာပြန်တယ်။

"ဟယ်... မောင်မင်း ဘာဖြစ်လို့ ငိုနေရပြန်တာတုန်း?"

" ကျွန်တော်မျိုးရဲ့  မိန်းမ မြစ်ထဲကို ပြုတ်ကျသွားလို့ ပါ ။မိန်းမ မရှိပဲကျွန်တော်မျိုး ဘယ်လိုလုပ် အဲ...ဘယ်လိုလုပ် ရပါ့မလဲ "

နတ်မင်းကြီးဟာ ရေထဲကို ပျောက်ကွယ်သွားပြီး “မိုးဟေကို” နဲ့ အတူ ပြန်ပေါ်လာပါတယ်။ပြီးတော့ သစ်ခုတ်သမားကို မေးတယ်။

“ဒါ သင်၏ မိန်းမ လား ? ”
“ဟာ...ဟုတ်ပါတယ်” အော်ပြီးတော့ကို သစ်ခုတ်သမားက ပြန်ဖြေလိုက်တယ် ။
နတ်မင်းကြီးဟာ ဒေါသအလွန်ထွက်သွားပြီး ပြောတယ်-
“မင်း ညာတယ် ။ ဒါဟာ လိမ်လည်မှုပဲ ”

“အိုး....ခွင့်လွှတ်ပါ အရှင်။ ဒါဟာ အထင်လွဲမှားမှု တစ်ခုပါ ။ ကျွန်တော်မျိုးရှင်းပြ ပါရစေ။ တစ်ကယ်လို့  ကျွန်တော် မျိုးက “မိုးဟေကို” ကိုမဟုတ်ပါဘူးလို့  ငြင်းခဲ့မယ်ဆိုရင် အရှင်က “သင်ဇာဝင့်ကျော်” နဲ့ အတူ နောက်တစ်ကြိမ် ပေါ်လာဦးမယ် ။အဲ ကျွန်တော်မျိုးက မဟုတ်ပါဘူး ထပ်ပြောမှအရှင်က ကျွန်တော်မျိုး မိန်းမ ကို ခေါ်ပြီးပေါ်လာမယ် ။ အဲဒီ အခါကျ ကျွန်တော်မျိုးက “ဟုတ်ပါတယ်” ဆိုရင် အရှင်က သဘောကျပြီး (၃) ယောက်လုံး ကျွန်တော်မျိုးကို ပေးပါတော့မယ် ။ နတ်မင်းကြီးရယ်...ကျွန်တော်က ဆင်းရဲတဲ့ သစ်ခုတ်သမားလေး ပါ ။ ဘယ်လို လုပ်ပြီး မိန်းမ (၃)ယောက်ကို ဂရုတစိုက် လုပ်ကိုင်ရှာဖွေ ကျွေးနိုင်ပါ့မလဲ ။ ဒါဆိုရင် ကျွန်တော်ဘာ ကြောင့် လိမ်ညာရတယ် ဆိုတာ အရှင်သဘောပေါက်မယ် ထင်ပါတယ် ”

The moral of this story is: Whenever a man lies, it is for a good and honourable reason, and for the benefit of others.

Keep the faith fellas..!

[+/-] ဆက်ဖတ်မယ်...

[+/-] ပြန်ခေါက်မယ်...

@ ကောင်လေးနဲ့ ကောင်မလေး

### ကောင်မလေးကကောင်လေးကိုမေးတယ်။
ကောင်မလေး ။ ။ နင်ငါ့ကို လှတယ်လို့ ထင်လား ?
ကောင်လေး ။ ။ ဟင့်အင်း ........မထင်ဘူး။
ကောင်မလေး ။ ။ နင်ငါနဲ့ အမြဲတမ်းနေချင်သလား ?
ကောင်လေး ။ ။ ဟင့်အင်း...
ကောင်မလေး ။ ။ ဒါဆို တကယ်လို့ ငါအဝေးကို ထွက်သွားရင် နင်ငိုမှာလား ?
ကောင်လေး ။ ။ ဟင့်အင်း

"အင်း ...ဒါတွေဟာ သိပ်ကို လုံလောက်တဲ့ အဖြေတွေပါပဲ...."

......... သူမ၀မ်းနည်းစွာတွေးရင်းနဲ့  အဝေးကို ထွက်သွားတဲ့အခါ မျက်ရည်တွေက အလိုလိုနေရင်း ပါးပြင်ပေါ် ကို ဆင်းသက်လာကြတယ်။

......... အဲဒီအချိန်မှာပဲ ကောင်လေးကကောင်မလေးကို နောက်ဘက်ကနေ သိုင်းဖက်လိုက်ပြီးပြောတယ်~

" နင်ကမလှပါဘူး။ဒါပေမဲ့ နင်ဟာဖြူစင်ပြီး သိပ်ချစ်ဖို့ကောင်းတယ်။ တကယ်ကငါနင်နဲ့ တသက်လုံး နေချင် တာ မဟုတ်ပါဘူး။နင်နဲ့ ထာဝရနေဖို့  လိုကို လိုအပ်တာပါ ။ နင်သာငါ့ရဲ့ အဝေးကို ထွက်သွားခဲ့ရင်ငါ့မှာငိုဖို့  အင်အားတွေတောင် ရှိမှာမဟုတ်တော့ပါဘူး။ငါ ...သေသွားမှာပဲ "

..........'' နင်ထင်သလို မဟုတ်ရပါဘူး ချစ်သူရယ်..နင့်ရဲ့ ခံစားချက်တိုင်းဟာ ငါ့ရဲ့  ခံစားချက်တွေပါပဲ။မင်းလေး က ကိုယ့်ရဲ့ ဘ၀ ပါကွယ်..."

ချစ်သူနှစ်ယောက်ရဲ့ အပြုံးတွေဟာ အဲဒီအချိန်မှာ ဘယ်လောက်လှလိုက်မလဲနော် .........................

[+/-] ဆက်ဖတ်မယ်...

[+/-] ပြန်ခေါက်မယ်...

@ MOBILE PHONE ကိုင်သူများအတွက် သတိပြုစရာ အချက်လေးတွေပါ

mobile phone ကို တစ်ညလုံး charging မသွင်းပါနဲ့ ။အဲဒါက battery သက်တမ်းကို ကျစေပါတယ်။ ပြီးတော့ charging သွင်းနေတဲ့ အချိန်မျိုးမှာ phone ကို မိမိ အနီးအနားမှာ မထားပါနဲ့ ။ ဘယ်သောအခါမှ charging သွင်းလျက်နဲ့  phone မပြောပါနဲ့ ။

မကြာသေးတဲ့ နေ့ တစ်နေ့ က လူငယ်တစ်ဦးဟာ အိမ်မှာနေရင်း cell phone ကို recharge လုပ်နေပါတယ်။ အဲဒီအချိန်မှာပဲ phone ၀င်လာလို့  ကိုင်လိုက်ပါတယ် (မီး plug ကိုမဖြုတ်ပဲနဲ့ ပေါ့)။ သိပ်မကြာတဲ့ အချိန်လေးအတွင်းမှာပဲ phone အတွင်းစီးဝင်တဲ့ လျှပ်စစ်ဟာ ဖေါက်ပြန်ပြီး လူငယ်ဟာ ကိုင်ပေါက်ခံလိုက်ရ သလို ကြမ်းပြင်ကို လွှင့်စင်ထွက်သွားခဲ့ပါတယ်။ သူ့ ရဲ့ မိဘများဟာ အသံကြောင့်အခန်းထဲ အပြေးအလွှား ၀င်ရောက်လာတဲ့အခါမှာတော့သူတို့့သားလေးဟာ သတိလစ်နေတာကိုတွေ့  ရပါတော့တယ် ။ သူ့ ရဲ့နှလုံးခုန်နှုံး ဟာ သိပ်ကို အားပျော့နေပြီး သူ့ ရဲ့  လက်ချောင်းတွေဟာလဲ လောင်ကျွမ်းနေပါတယ်။ သူ့ ကို အနီးစပ်ဆုံး ဆေးရုံကို အမြန်ဆုံး ပို့ ပေးခဲ့ပေမဲ့ ဘာမှမတတ်နိုင်တော့ပါဘူး ။ သူဟာ သေဆုံး သွားခဲ့ပါတယ် ။

Cell phones တွေဟာသိပ်ကို အသုံးဝင်တဲ့ ခေတ်မီ electronic ပစ္စည်းတစ်မျိုးပါ။ ဒါပေမဲ့လည်းသူဟာ သေခြင်းတရားကိုလည်းဖန်ဆင်းနိုင်တဲ့ ပစ္စည်းတစ်မျိုးဖြစ်ကြောင်း ကျွန်တော်တို့သတိပြုရပါမယ်။ ဒါကြောင့် ဘယ်သောအခါမှာမှ cell phone တွေကို မီး plug တပ်လျက် အသုံးမပြုပါနဲ့ လို့  အကြံပြု တိုက်တွန်းလို ပါတယ် ။

[+/-] ဆက်ဖတ်မယ်...

[+/-] ပြန်ခေါက်မယ်...